"真係支力到嘔!"
我諗個個都係好同意咁既諗法,呢排除左自己之外,個個都好多野做,好忙!有d 補習,有d 開會,有d 忙幫人,我就要番工番學,個個都累死咁濟,雖則我放左假咁耐,但係都唔多有放假feel,所以唔好睇我放假咁爽呀,我都有我自己既問題,工作同煩惱.
尋日由大埔camp site 出番來,前日入camp,玩games,互相認識,我都識左d 同校唔同form既新朋友既,at least 有部份我都未o係學校見過,睇來我剛剛過左o個大半年,真係自閉得很.同樣都有低form既人未見過我,幸好,都有個同我講,聽過我個名,但係未見過我真人~......-__________-"還好,我係識得同唔好年紀溝通到既人~細過我O個D,大部份我都玩得埋架~呵呵~
其實呢2 日一夜既CAMP OVERALL來講,都OK 呀,數到最深刻既片段,都算係夜晚行完路,番番入CAMP SITE,我同5個朋友O係間房入面傾計,真係好耐好耐大家都無坐埋一齊,靜靜地,亳無固慮咁傾計,對上一次大家一齊傾計既時候都耐到唔記得左幾時啦!
另外最深刻既片段都計埋夜晚行路.食完反之後玩左d集體games,幾ok啦,之後我地一行30多個人,由大埔行到荃灣淡水湖,哇..咪講笑,自從要準備會考,日日溫書,我既運動量係---"0"架!!不過我都仲行到,行左1,2個鐘,我都無事wor~証明我好健康啦~~之後我地係堤霸上靜默15分鐘,沉思自己過去咁多年自個兒既問題,umm..望住對面海,望住滿天繁星既天空,思前想後,回到過去,諗左好多野.第一,性格上既改變.如果我無o係中一o個陣信左耶穌,如果我無o係中二o個陣番團契,無去長洲o個camp,我諗絕對無而家既我,我唔可以講信仰改變左我好多,但係無左信仰,我唔敢想像我會變成點,雖則我一定唔會係一個大壞人,因為媽媽會教好我,但係切切實實地信仰影響左我生命,而我都想我做好見証,影響到身邊既人信耶穌.係好難,但唔代表我會放棄,我會努力做到最好,希望終有一天O係天父既保守之下,身邊既人個個都信耶穌.第二,我都係度諗自己同朋友仔既關係.我唔敢講我有好多朋友,但係我四方八面既朋友,而且仲有一班關心,擔心我既老友,同佢地一齊,你會覺得佢地係你既屋企人,同樣都有親切既感覺.
一個15分鐘既沉思,一晚既冷靜,一個結綸:"做左18年人,
我係一個平凡,再普通不過既女仔,但係我有一個非凡,再偉大不過既天父;
我唔完美,但係我有一個完整既家;
我性格、外表有缺憾,但係我有一班性格、外表獨一無二既好朋友."
P.S. 下個星期我會去中國貴州義教,為期一個星期,希望一切都平安,順利,有一個愉快既回憶,請紀念!
文章定位：
