呢個笑容消失左....
人地話, 就算係一件你最擅長做o既事, 到某一刻, 因為某一d o既變化或者因素, 你會突然間覺得呢件事好難做, 令你唔知點先可以繼續落去......呢個就係所謂o既樽頸位......
一直以來, 我認為我搵到一份適合我做一世o既工, 因為伊家o既我, 除左教書之外, 我好似真係mud 都唔識做......呢份工, 比我好大o既滿足感, 見到學生手上拿住我份notes, 上面寫有我上堂比佢地o既extra o既examples 或者小tips, 我就會覺得我花左咁多時間去備課係好值得. 當然, 佢地考試可以拿到好成績, 我都會好開心, 雖然仍然會有人唔合格, 但係只要係知道佢地有為個test 或者dictation 花過時間, 我都唔會怪佢地, 試問邊個學生會每一次考試測驗都可以次次高分架...最緊要都係有盡過力, no regrets...
另一方面, 做老師最大o既滿足感, 係來自做班主任. 以前係band 3學校教, 開頭好辛苦, 學生生事真係鑊鑊新鮮鑊鑊甘, 當你了解左佢地o既生活環境, 成長背景之後, 你會慢慢咁明白點解佢地會變成咁, 亦都會變得更有耐性去教佢地, 去填補返佢地人生少左o既而又好重要o既o野 --- 關心, 同愛...如果你地問我, 教左書咁多年, 令你最難忘, 最快樂係幾時, 我一定會話係我o係郭中o個三年對住同一班令我成長o既學生, 係佢地令我真係學識點樣去包容同愛我o既學生....到伊家, 佢地大個晒, 我地好耐先會見一次, 每見佢地一次, 我就會更快樂, 因為佢地無學壞, 知道自己想做, 想要d mud, 有正當職業, 搵到自己o既興趣, 今日o既佢地, 令我感到好驕傲...
來到VCo既第一年, 發覺呢度同郭中好唔同, 原來呢度唔使全民落水做班主任架!!!!開學前知道自己唔使做班主任, 心想: 有無咁"荀"呀!!!! 一定得閑好多...而呢個, 又真係一個事實......唔使處理學生問題, 唔使收通告, 只有自己投訴人地o既學生, 唔使寫成績表comments...真係做少好多o野. 但係, 真真正正咁感受到無做班主任o既壞處, 就係school picnic 同 christmas o既時候, 真係好似一個遊魂野鬼咁, 就算學生來invite 你去同佢地玩或者開party, 都會唔好意思去... 亦都唔使為學生去買禮物, 呢種感覺好怪呀....習慣左大時大節都會做d 野tum 學生開心o既我, 呢d 時候都會覺得好空虛, 正正就係因為我無左一樣野...歸屬感...
到第二年o係vc...無o野呀...做2A 班主任, 第一次o係呢度做班主任就比班"啃"野我???!!!! sorry....因為聽得太多同事教2AB o既辛酸史啦....唔係話你地真係好曳.....初頭兩個月, 的確有d 吃力, 可能因為實在太耐無做過班主任, 而係郭中最後一年, 3E又比左一年honeymoon 我, 對返呢三十幾個naughty kids, 真係要d 時間適應...不過, 我發覺, band one 學生真係band one 學生, 好多野都可以好快就明, 會知道你對佢地好, 雖然有時都會好激氣, 但係佢地仲細, 好多野都要慢慢mode, 慢慢教...而做2A 班主任呢一年, 我真係好開心, 起碼, 伊家見返大部份o既小朋友, 佢地都會叫我, 同我講下笑咁...而最滿足o既係, 上個星期同張sir 傾計, 佢話我有能力凝聚到班學生, 真係帶得佢地幾好, 令到佢地伊家都係一班聽教o既學生...
第三年, 做4D班主任, 好緊張, 第一次做高中班主任, 教o既係就來變做大人o既青年, 唔可以再好似以前咁耍無賴, 來個女王的教室, 做mud 都要用懲罰來threaten 佢地...... 唯一無變o既係, 我仍然會用我之前o既方法去對佢地好, 去凝聚佢地, 去幫佢地建立歸屬感......呢七個月以來, 我一直都以為自己做o既o野, 講o既故事都可以幫佢地做一個更好更快樂o既學生, 但係, 從佢地o既功課, 日常o既行為, 我發覺我錯晒...點解我會教到班學生將自己d rubbish, 雜物塞晒係其他櫃桶度? 點解我會教到d 學生搞到個班房lup lup 亂, 點解我會教到d 學生floating 會自己走去toilet, 點解我會教到d 學生o係轉堂o既時候一行五人當住我面去toilet, 返來仲要好似無事發生, 點解我會教到我d 學生唔respect morning assembly? 點解我會教到我d 學生比左好耐佢地去做一份功課, 而o係我準備要收o既時候九成人都仲係我面前做緊??? 點解我會教到我班學生要三四日先會交齊晒d 回條同永遠都唔帶手冊??? 點解我會教到我班學生咁冷漠??? 係我做得唔好??? 我寵壞佢地??? 我, 終於遇到久仰大名樽頸位啦!
上個星期, 因為english language arts week, 因為自己班, 因為miss leung o既離開, 令到自己好depressed, 但係工作一定要做好, 所以, 我頭o個幾日我都仲可以forced 自己笑住咁上堂, 教好學生要學o既o野....但係, 到星期四, 當我以為學生收到晒之前我同佢地講過o既o野, 最後, o係佢地o係我面前做緊我o係當時應該要收o既功課o既時候, 我發覺原來我講幾多, 做幾多都係useless...最可笑o既係, 我仲要含住泡眼淚o係度講書, 令自己focus 之後, 當無事咁教落去...之後eng. builder, 學生們亦都當無事發生, 大大聲o係度講M1 要做mud, 用中文同我講交唔到功課, 要去toilet....原來, 我係比useless 更useless...因為咁, 我對住班同事喊左好耐.....到返屋企改佢地o既功課, 發現好多人根本就無care 過我要佢地做o既野......o個一晚, 我真正咁感受到"心死", 原來比心淡難受二千萬倍....但係, 問題係, 其實我係知道某部份學生們真係喜歡我的, 我真係感受到的....但係, 我係想唔通點解佢地喜歡我o既方法只限於言語, 而唔係用行動真真正正咁尊重同喜歡我o既存在????
其實, 好多年前朋友們都叫我唔好對學生咁上心, 咁會令自己壓力好大...無錯, 我相信我真係太上心.....我會因為學生唔講sorry 同thank you 而煩惱好耐...我會因為同事來投訴我o既學生而感到好抱歉因為我教導無方...我會因為學生o既說話同行為而開心或者傷心好耐.....
伊家, 因為我之前o既眼淚, 學生們就好似驚左我咁, 無錯, 上堂o既時候smooth 左, 唔需要叫佢地靜落來聽我講, 我叫佢地做mud 就做mud....但係, 我一d都不快樂, 一d 都唔enjoy 咁樣上堂...
呢個樽頸位, 令我覺得好辛苦....死左o既心, 係咪真係唔可以復活????
文章定位：
人氣(855) | 回應(1)| 推薦 (
0)| 收藏 (
0)|
轉寄
全站分類:
不分類
