24h購物| | PChome| 登入
2007-08-17 00:50:31| 人氣174| 回應3 | 上一篇 | 下一篇

收拾

推薦 0 收藏 0 轉貼0 訂閱站台

今日呀姐幫我車返晒o係郭中o既o野, 當佢到左我屋企出面o既時候, 落好大好大雨, 呀姐, sorry, 為左幫我搬野, 搞到你成身濕晒添....當然, 我一定要同你講thank you 啦! 有你呢個呀姐真係好!

o係郭中三年, 原來我拿左好多野返去, 當我媽咪同豆豆見到我搬返來o既一大個尼龍袋, 一個大膠箱同一個細紙箱, 佢地就不約而同咁話:人教書你教書, 做mud 事會拿左咁多野返學校又拿返咁多野返來?! 好似人地搬屋咁! 呢三年, 除左屋企之外, 郭中就係我第二個留得最耐o既地方, 就好私第二個家一樣...

拿晒d 野返屋企之後, 我就開始將d 野拿返晒出來收拾一下, 為左可以收拾得更好, 我事前仲空出書櫃o既空間同埋抹過晒衣櫃頂來放雜物...

當我打開個尼龍袋同埋兩個箱, 看到裡面d o野, o係郭中o既回憶就飛晒出來, 看到同同事, 學生影o既相, 可以總結我在郭中o既日子係快樂o既. 仲有, 看到今年o既三本記事簿, 裡面寫有, 每一日每一班每一堂要做o既o野, 邊個學生無返學, 遲到, 早退, 犯事, 欠功課, 罰抄等等都o係晒裡面, 突然間好佩服自己為學生所付出o既努力.

另外, o係眾多雜物當中, 我發現到呢三年做班主任所收到o既學生相, 因為我跟左自己班三年, 而大部份學生亦都係跟左我三年, 所以, 佢地中一, 二, 三o既學生相我都有, 佢地個樣真係變左好多, 真係大個仔, 大個女啦! 呢個過程真係好神奇, 能夠見証住佢地o既成長, 我真係覺得好有成功感, 因為, 唔單止係佢地個樣, 連佢地o既性格同修養, 都o係呢三年內有或多或少o既改變, 而呢d 改變, 絕大部份都係好o既! 真係好開心能夠見到佢地咁乖! 我可以好大擔咁承認, 我真係盡左我o既能力去教佢地做返一個人, 不過, 我唔係要o係度讚自己, 因為, 令我更開心o既, 係佢地能夠自己醒返, 知道做mud 先對自己最好! 學生們, 我以你地為榮!

執o野執左四個幾五個鐘, 越執就越唔捨得...看到, 我要收拾o既, 唔單止係雜物, 而係對呢班學生同同事們o既思念心情...

相@台灣原住民扮相o既hello kitty
相@石頭貓精品

我要檢舉
台長： 瑪姬

您可能對以下文章有興趣

人氣(174) | 回應(3)| 推薦 (0)| 收藏 (0)| 轉寄
全站分類: 不分類

我要回應
肥溫
每當我攞番中一.二,三既班相出黎睇,我都想起每年既事情,罰抄由原子筆抄到7色12色,我都永遠記在心中,(MISS:你到新學校.有壞學生.記得用番呢個方法..抄到佢地死死下)
2007-08-18 01:42:04
家軒
miss 我敢認我之前有講你壊話,,,有時都會憎你成日罰抄...但你e家已經變成我最佩服的老師,,,我敢同人講,,,你係我班主班,,,同埋一個好好的班主班
2007-08-21 01:21:06
版主回應
死啦! 你地好似淨係記得我點罰你地...搞到我伊家有d 內疚添! 不過, 真係要多謝你o既讚賞, 我會努力的!
2007-08-22 00:21:38
??
我諗冇咩老師教得我地咁好:(
老實講 我唔係好想第2個老師教我英文 我相信其他人都係咁諗v_v都怪我唔配眼鏡 成日走出黎睇黑板 你教好好的說 係我睇唔清楚黑板學唔到野 又唔想阻住進度 , 希望miss 開心快樂

2F升3F 囧
2007-08-28 13:23:51
版主回應
你係邊個? 無配眼鏡看唔到黑板? 2F班? 真係估你唔到...新學年, 你真係要配眼鏡啦! 唔好再因為看唔到黑板而學唔到野, 升唔到班就大件事架啦!...仲有, 多謝你o既讚賞同埋祝福, 我地一齊努力啦! 你要加油呀!
2007-08-28 15:47:04
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文