24h購物| | PChome| 登入
2007-08-02 23:40:48| 人氣117| 回應0 | 上一篇 | 下一篇

考車牌

推薦 0 收藏 0 轉貼0 訂閱站台

上年十二月, 一時衝動去左報學車, 當我話比人知我報o既係駕駛學院, 學費仲要係差唔多成皮野, 個個都係度笑我! 佢地話考幾次都唔駛我呢個價錢....仲有, 一個二個都話: o畏你幾時學呀? 咁等我o個時唔好出街, 你知啦, 命仔緊要!

唔知點解, 當我報完之後, 就好似洩左度氣咁, 完全係唔o爹唔吊咁, 等到成三月先考筆試, 之後, 又以忙來做藉口dum 下 dum 下, 等到成七月先開始學....book 左七月三十一號考泊車, 掉頭同斜路開停, 但係我十九號先開始上堂中間仲要去旅行, 所以其餘o既時間就好似返學咁日日學...

好耐都無試過對做一樣野咁無信心, 講真, 學車對我來講仲難過做一份一萬字o既hon pro, 真係好難好難, 仲有...d 導師o既教法個個都唔同(但係我同自己講, 我係唔會再比多千幾蚊轉做至尊課程跟死一個老師, 因為佢實在太食人唔lur 骨啦!), 佢地有d 都ok, 但係有d 答你問題就等於無答, 教你就等於無教, 唔知佢想點...

o係考試之前, 我特登比左二百七蚊補多堂(注意:出面街價係百二蚊架姐), o個個鐘完全無問題架, 真架! 個呀sir 都話我得...點知...

o係考試o個時, 我o係我之前最有信心o既泊車o既時候本來要回直tai, 點知我緊張得滯...扭多左手....頂...考第一項就衰左....個死人考官仲要o係我明知自己出晒界o既情況下死都要我落車看....係咪玩野先! 之後, 當我想放棄之際, 佢叫我上返車繼續考掉頭, 點知...我平時最唔得o既掉頭竟然比我得左, 斜路開停亦都無問題bor...不過...就係因為我對死人手扭多左...就要比多千幾蚊再考....(報o個時佢明明話如果我fail 左, 佢會送多次比我考...點知....又比人昆...所謂送, 就係送多五堂比我, 但係其他費用就唔包! 頂!)

人人都問我, mud 駕駛學院唔係包你考到, 無限復活架o羊? 我o既答案就係...有錢咪包你考到同埋復活lor...傻仔!

相@我都係玩返孖寶賽車算啦!

我要檢舉
台長： 瑪姬

您可能對以下文章有興趣

人氣(117) | 回應(0)| 推薦 (0)| 收藏 (0)| 轉寄
全站分類: 不分類

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文