今日係我細妹既大日子!!因為佢終於都可以實現佢多年來既夢想,就係可以親身一睹佢多年來所傾慕既偶像『Pierrot』既concert呀~
呢隊叫『Pierrot』既樂隊係一隊visual rock band(唉...又一隊化哂妝,唔男唔女,騎騎呢呢又變態既band),佢d歌...我差唔多都聽到識唱...(係被迫)...雖然係咁,但我對呢隊野一d好感都冇,仲有d憎恨...因為佢地....佢地...侵佔左我間房.....牆上面既posters,櫃脗面既cd,一大堆既雜誌,相...(屋企九成既雜物主要來源).....就係佢地...就係佢地一日一日咁浸蝕我間房.....
我細妹約左佢個日本friends,Memi,(又一個變態pierrot既fans)一齊去睇concert,(d飛都係佢幫我細妹買架~),聽我細妹講好似係喺internet上面識,跟住用email keep住聯絡,之後就係咁慢慢咁同佢熟左....
Memi話帶我地去行原宿先,跟住就去睇concert,所以我地一早就約喺原宿度等.....我地剩係見過下佢send比我地既相,(哈,張相影得有d似我細妹~唔通『pierrot』既fans係有樣睇既?),我地就憑住緊餘既記憶,企喺閘口度左望右望,我地等左幾個字,都唔見一個類似Memi既物體,開始有d驚...驚佢唔知會唔會放我地飛機...
但過左一陣...佢終於都出現喇~ 佢主動走過唻叫我地, 佢比我地想像中有d唔同,私私文文,唔係點講野,怕怕醜醜,矮矮細細咁...(睇唔出佢係變態既『pierrot』fans囉...)
佢帶左我地去行左陣街,跟住佢就帶我地去食lunch,但係好奇怪...唔知係我同我細妹太肚餓啦,定係日本人係慣左食野咁私文,我同我細妹食完碗飯,但佢...仍然都未食到半碗烏冬....我見佢一條一條咁將d烏冬慢慢咁放落口,跟住就細細淡咁咀嚼.......(可能係我地香港既生活節奏真係太快啦....)
食完lunch,再行多一陣,佢地就要起行喇,當然我梗係唔會跟佢地去啦,所以我地就分頭行動,我有我行街街,佢有佢睇佢既演唱會~ 我地喺原宿度分手之後,我就自已返新宿行我既街街lu~ 其實都有d驚...冇左我細妹喺度,日文又唔識多句...但係竟然出奇地...唔駛天書,唔駛問路,竟然無蕩失路,完全記得哂所有既路,哈哈~ 忽然間覺得自已好叻呀~! 跟住攪笑到有個日本人走唻問路,之前我同我細妹都試過2次, 但我地既答案永遠都係..... 『Sorry, I can't speak Japanese...』
跟住去到一d boutique度,d sales猛咁同我講日文,開始有d驚,我細妹又唔喺度,我又唔知點答佢地好...唯有扮到識聽啦...哈~都呃得下人架~ 就係咁,我就自已一個人,鰠新宿無驚無險咁渡過左大半日....但我對腳就行到已經好似唔係自己咁......返到酒店,超攰...一路睇電視,一路食住伊勢丹(類似sogo既百貨公司)買返唻既便當,隔左陣...我細妹就返唻喇~
終於都返唻喇~~ 好鬼掛住你呀!!
文章定位：
