24h購物| | PChome| 登入
2004-04-20 20:35:47| 人氣52| 回應0 | 上一篇

淺草雷門寺 >> dAy NinE

推薦 0 收藏 0 轉貼0 訂閱站台

今日去左淺草頂頂大名既雷門寺, 但係我地未行到去雷門寺就已經沿途勁食野喇..... 好美味既雪糕啦~ 仲有即炸即食既炸饅頭!! 乜都食一餐, Yummy~!

一去到就抽到支好籤喇~~ 呵呵, 仲要係『大吉』呀! 跟住隔離有個空地, 周圍都係白鴿, 白鴿同埋白鴿呀!! 好恐怖呀!!~ 我地本來買左一包野食諗住餵佢地... 但最後....好失敗...仲要係徹底失敗....一攞包野食出唻, 大事不妙喇!! 成千上萬既白鴿就即刻飛撲埋唻! help~~~~~~~ 我地即刻不停咁跑...... 好似喺度玩緊捉迷藏咁...差唔多走暈成個場....最好鼓起勇氣停喺度, 諗住攞d野食餵佢地....但最後, 都係雞飛狗走.....唉, 失敗..... > ~ <

最後為左影果幾張相.....都影左成粒鐘.....(見圖) 紅圈果個, 就係我細妹....

之後去左上野行街順便買埋手信, 有一間舖叫做『二木果子』, 果度出名又平又多種類, 諗得出既野食佢都有, 當然我地梗係唔會執輸啦~! 最後....有兩條傻婆發哂顛好似唔駛錢咁, 買呀買.... 最後既下場梗係....

離開上野既時候, 兩條友買到成手都係一袋二袋........忽然醒覺, 點解手信唔留返最後果日先至買喎......=.= 不過己經太遲喇....之後為有返新宿, 返酒店放底d野先啦, 返到酒店已經好攰, 唔想再行喇....

我要檢舉
台長： 尚未設定
人氣(52) | 回應(0)| 推薦 (0)| 收藏 (0)| 轉寄
全站分類: 台灣旅遊(台澎金馬)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文