今日係復活節假期既最後一日,講落真係好似冇放過假咁就返學lu~以前d復活節起碼放返個禮拜...
今日亦都係觀音誕,以往既慣例都係會我老豆幫我係銅鑼灣禮頓道拜,不過今次見到香港仔都有攻后古廟,咁就我自己去拜~香港仔呢個我都係第一次去ja,完全都唔知點拜~結果俾人叫咗我俾30蚊整d唔知咩寶碟套餐,跟住又左拜拜右拜拜,見咩就拜,最慘開頭又唔識,俾人點黎點去點到頭都暈埋~!!搞咗成半粒鐘咁滯~!!
拜完返屋企食埋野就長征去將軍澳去我表哥度,話說我新婚既表哥不勝壓力患上抑鬱症,呢個消息真係令人震驚....聽返佢地講家陣已經好好多啦~之前個幾個禮拜真係令人擔心~本來上星期五個日我應該留返係屋企陪佢,因為佢地一場黎到,不過因為一早約咗食飯同打波所以推咗~見今日比較得閒dd,所以就過去同佢打吓機~
一見到我內心都真係唔好受....相比起以前個種好有自信既樣....佢依家眼神已經變得好鬆散,好冇信心....
記得以前我地打winning真係打到難分難解,天昏地暗,今日唔知佢係食咗藥集中唔到精神定係我係hall日日打既關係,佢全日都輸晒咁滯,佢都輸到悶同忟tim~個重點係我又唔可以放水俾佢,因為佢又一定睇得出~!哎~好無奈~!!後尾都打到冇咩癮....玩吓其他無聊game咁~
一個人真係要識得減壓,唔係真係好大鑊~!現實同理想真係兩回事...以為一個人啱啱結完婚老婆有咗BB應該係好開心既事.....但係睇住自己30歲黎緊而事業基礎仲未穩定,之前曾經擁有既一大堆抱負全變為炮灰~加上老婆同屋企人相處又唔係好理想,結婚唔夠一個月突然有咗BB打亂晒成盤計畫,種種壓力....一時之間睇唔透,真係可以走火入魔...
係姑媽度食埋飯就走lu,本來佢仲想打多鋪,但係我地見佢狀態開始下滑都巧妙咁推咗佢算....走個陣去咗銅鑼灣搵埋我老豆一齊搭車返屋企,因為呢件事難得我地傾咗一d關於人生計劃既問題...
8點幾9點返到屋企,咁就一日lu~真係覺得成個人都好累~!!
最近有一部電影我係好想睇,就係AV,本身用呢個題材既電影已經吸引我,加上睇過d影評都好似幾好咁~成套戲其實係度比較緊以前既大學生同依家既大學生,以前既踏實上進,依家既荒淫無能,終日沈醉聲色犬馬,部戲真係幾適合我...................同我同房去睇,因為我係代表住以前既大學生,而佢係代表住依家既大學生~wakakakakakakaka~!!!
今日阿宣王搵幫手同佢今個禮拜去借書~
文章定位：
