24h購物| | PChome| 登入
2004-01-04 01:31:00| 人氣7| 回應0 | 上一篇 | 下一篇

1-1-2004

推薦 0 收藏 0 轉貼0 訂閱站台

04年既第一日就可以訓到2點半,跟伕墊一起物就即刻食飯~哈哈~~

食完野返尋日既日記,跟住溫咗陣書,好快6點幾,就同肥權,俊俊傾電話,傾聽日BBQ既事~開頭諗住搵埋mandy媽,不過佢遲放工所以唔得,原來講開先知mandy媽搬咗去巴士總站屈臣氏樓上,吹到佢話奘到我屋企law~~哈哈~~

搞一大輪都7點幾,開始聽叱吒,哈哈~~真係估佢唔到,十足十個句:「叱吒有李克勤,咩事都有可能」,你諗吓大頭佛都有獎,唔係個次去city睇睇我都唔識有隊咁既野,不過叱吒佢依然貫徹佢有笑有淚的精神,梁漢文仲成為大贏家tim,不過最勁都係基仔,一上台禁制咁既眼淚,幫佢最愛金曲拉咗唔少票~~都dun佢開始既~~另外林一峰既遇見真係好正~!!

平心而論,每一個電台都有佢偏私既地方,始終要明白商業因素係佢最大既考慮,所以邊個拎邊個獎總會令人覺得有唔fair既情況,呢個係無可避免既事,亦係遊戲規則,你要玩就一定要遵守~~不過叱吒至少有樣野係好值得欣賞係佢識得咩叫做尊重歌手, 尊重詞曲編監,歌手同幕後講得獎感受都俾佢地任講,唱歌都俾佢地唱晒成隻,好過其他3個台好似趕收工咁,咩都去晒....都話law,你一係就唔好播,一播就做到盡啦~一個歌手成年時間得個4個典禮真真正正有機會上台講得獎感受同好好演釋首歌,你都咁趕住cut, 咁你不如唔好做啦~~咁難委你咁~

所以永遠唔難發現叱吒係最多人喊既典禮,除咗DJ林海峰既控制得宜外,好明顯係因為歌星重視邊個典禮多d,容祖兒係之前d典禮拎咩都無反應,呢個,喊到痴肺~!!真係要靠人地既播放率同上榜歌,唔係話你幫佢做野佢俾個獎你,而且d獎真係有名次~唔係派街坊~~當然我地唔能夠扼殺其他人既努力,不過樂壇唔係善堂wow~把聲靚有quali係真係第一個條件wow,你話好多歌手辛苦成年咁無理由唔俾個獎佢,大佬~咁咪好唔得閒,如果係咁,新界d牛咪有排上台,佢地都辛苦成年啦~~無得話鬥做得野ga~!!歌手真係最緊要俾d好歌出黎麻~

永遠叱吒都係好觸動人心...

>>2004年01月03日Sat 01:52:04 (GMT+8)

我要檢舉
台長： 尚未設定
人氣(7) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文