琴日收到華寫完既我本野後..晚上就好有衝動想睇..可能想睇華寫d乜卦?因為佢好似寫左好多野,其實之前都睇左bee,不過因為俾人話應該要全部寫哂先睇...本來我諗住睇完佢,就唔睇架啦!不過..諗諗下..又好想睇孖女佢地寫咩喎..咁咪睇左幾個囉..但今日又好有衝動睇哂其他...睇完之後..我真係覺得好感動!!我真係好眼濕濕架!!!總括暫時黎講,我覺得最感動係孖女同埋華...
而家一個一個黎講..
bee 你寫d野真係好簡短..不過可能你想從d好簡短既字句,包含左好多意思卦?因為你d字用得好深..好似寫詩咁.
包 唉!雖然你寫左9大張!不過你知唔知你好多都寫你想點想點,寫你既"宏大既理想",寫我地,或者我既野呢?簡直..丁丁咁..貼埋d野又好鬼死無聊!!咩青衣運動場咁呀?!但又無人!...
大孖 你寫d野真係令我勾起太多回憶..同埋真係好感動!我覺得,你地對我黎講真係好重要!你寫d野,令我感受好深!5年黎,可能都有一排疏過,不過好快又好熟!總之你地永遠都會埋O係我心底中.你同細孖俾我一種"真朋友"既感覺.
細孖 哈,張相我都好鐘意.你話我玩得,其實只不過我想大家都係朋友,我都想大家玩得開開心心.你同大孖都咁關心我,我真係睇到有d眼濕濕架!!同埋你都寫左好多回憶俾我!其實有d野我都好想同你,大孖講聲唔好意思!..最後,我想同孖女講"真係多謝你地!"你同大孖成日支持我!
阿魚 你同包一樣!都係寫無聊野多!我地既回憶都係得O個兩行..又貼d阿伯相俾我!搞到我勁無奈!...可惡丫!!...個封面..
鈴 可能我地玩得唔係咁耐,所以唔緊要架!我地遲d仲會出黎玩架麻!係咪?到時大把回憶啦!
kinki 我地f1,2時都真係幾熟,雖然而家少玩左好多,不過都keep到,都算難得,你話我太老實,太易俾人呃,呢個我自己都感受到,如果唔係都唔會...不過算啦!你寫對我既感覺,我睇完都好開心!thx~不過你個封面..
美麗 好多謝你首歌詞呀!其實我好少寫歌詞俾人架!除左自己班frd,所以呢份心意,我真係覺得好特別!不過我估唔到..最後,thx!
華 暫時黎講,寫得最多張係你,有10張,我諗都無人打破到你個紀錄架啦..你寫左好多野,有時睇到好生氣,但有時又好開心,不過唔緊要啦.你寫既野都令我幾感動,.雖然同你玩左兩年,有差唔多一半既時間都唔開心..希望以後只有開心既回憶.
文章定位：
