嚟到英國,最大嘅收獲唔係可以讀書,係可以識到一班新嘅朋友仔,佢哋個個都好好玩架,有啲嚟自新加玻、有啲就係泰國、仲有中國,梗係唔少得香港啦。我哋一齊去咗好多撻地方玩,因為都鍾意去旅行嘛!
喺一個新嘅地方,識到朋友好重要,但係更加難得嘅係可以識一班志同道合嘅人,至少直到而家我都係覺得佢哋好好啦。
仲有就係嚟到呢度終於都唔駛做大喇,因為喺香港我喺朋友當中係最早生日啲一個,但係嚟到呢度好多人都大過我,我似乎係最細嘅一個,所以好多嘢都有人照顧。
食嗰方面已經冇嚟嗰幾日咁慘喇,因為多數都同朋友一齊煮,不過多數煮嗰個都唔係我。呢度嘅傳統係男仔負責煮飯,因為佢哋煮飯仲好食過啲女仔,雖然係咁,我已經好俾心機去學架喇,我而家識得煮麵、炒菜,蒸雞蛋,炒肉……
呢啲都係跟我啲朋友學返嚟嘅。
但係我識嘅朋友當中亦有啲例外,你一定要小心佢嘅諗緊啲咩呀,佢哋會偷你嘅想法架,好深呵?有機會再同你哋講吖。
文章定位: