親愛的Mui:
hehe……一見到你就會好開心,無論係因為你成日都會買好多優之良品嘅嘢食請我哋食,定係因為你開朗又直接嘅性格。
喺我嘅眼中你係一個好好嘅媽媽,好好嘅同事,仲係好好嘅朋友。不過唔怕話俾你知吖,不過你唔好嬲呀,喺好初頭我覺你有啲奇怪架,因為每次係喺出面返到嚟office都好多嘢講,一係埋怨啲工作好多,一係話頭先見到咩咩咩,我嗰陣時諗呢個同事一定好多嘢講架喇,咁鍾意將自己啲嘢講俾人聽都有嘅。
後尾發現你係一個好健談又見識廣博嘅人,每個不同嘅話題你都可以參與,你又好好人喎,成日都笑﹝咁梗係除咗你好多嘢做嗰陣啦﹞,你係中心嘅開心果,我同時亦都好羨慕你可以隨住自己嘅意願做嘢,鍾意做嘅就全心全意咁投入,唔鍾意嘅就可以say no,就算主任叫你出去處理萍萍同個男人嘅事件都可以理直氣壯咁拒絕。你知唔知我一直都有叫過自己要咁做,但係點都唔得,做咩嘢都會顧慮其他人會點諗,但係識咗你之後,我諗我搵都學習嘅榜樣喇。
希望你可以繼續做返自己,為中心帶來更多嘅歡樂啦!
文章定位: