24h購物| | PChome| 登入
2002-10-02 12:27:28| 人氣35| 回應0 | 上一篇 | 下一篇

Firework

推薦 0 收藏 0 轉貼0 訂閱站台

尋日係國慶日, 咁我呢d唔係咁愛國既人開心都係因為可以訓晏d。但係為左唔好浪費美好既假期, 我兩點鐘?!就起身啦。初時諗住去旺角行下街架(出左糧丫嘛), 但係見到個天陰陰的, 咁就無咩興緻啦, 於是就係屋企寫日記同埋睇日記啦。
三點几, 個天黑麻麻, 我換左衫出門口又入返門口, 攞遮丫嘛。好彩有咋, 一出門口就落雨, 同埋諗起今日應該有人燒銀紙(放煙花)喎, 咁落雨咪唔好睇囉。不過其實都無諗住會睇, 諗住無人陪我去丫嘛。咁我出到去行左一陣街就返poly啦, 但係又未夠鐘喎, 咁就去左買我好鍾意食既鮮奶撻啦。
講開奶呢樣野, 我由細到大都好鐘意飲同食架, 無論係糖呀, 雪榚呀, 定係燉奶, 乳酪, 等等等等我都超級鍾意食。不過好奇怪, 我雖然都係好鍾意好鍾意食朱古力, 我都唔係食好多牛奶朱古力, 我仲意食d苦d既朱古力(點解苦既朱古力要貴d?會破產的'~'), 所以我會成日鑽零食物語。家姐仲比埋張vip card我等我買得開心d添hehehe^^ 但係可能最近返工無乜時間係屋企同埋怕肥啦, 已經食少左少少架啦 (不過仲係日日都食雪榚同其他零食)。
人地話食朱古力會有戀愛既感覺, 我都覺得係架, 因為食既時候會覺得好幸福, 好開心架, 而且我食多多都係長少少肉(有人可能唔認同..), 後顧無憂。但係呢, 我曾經好瘋狂咁有一段時間係一日食一排巨型的cadbury 脆脆朱古力, 吃得頭也暈了。每日都好似毒癮發生咁, 非要食不可。所以而家呢好少買啦, 免得引誘自己啦:)
除左食朱古力, 我食雪榚都到達狂熱既地步。每次都會買几盒dreyers既family size返屋企, 有時真係睇睇下電視就會唔見左成盒。不過又唔會飽架喎, 正餐照食(不過一向正餐都食好少:p)。人人都問我點解可以食極都唔肥, 食咁多朱古力都唔生粒粒(當然唔係個個都咁認為啦…), 而每一次我都話要多謝媽咪, 如果唔係就會好似o個日係報紙見到o個隻上中下圍都係廿六寸既肥貓咁樣啦(不過好cute架)。
講返o尋日啦, 結果無plan去睇煙花但係經過睇左, 我係咁大個第一次唔係係電視都見到咁多咁大咁靚既煙花架!雖然遠左少少個view窄左少少, 但係都係好開心好興奮架, 佢砰砰嘭嘭咁響, 我就嘩嘩嘩嘩咁叫, 仲要係好多人一齊企係條馬路睇。不過其實開心都要有條件架, 睇下企係隔離o個個係咩人啦^.^ 雖然我唔多愛國, 但係呢個國慶日都好開心呢!
睇完煙花我就返屋企啦,本來諗住今日要巡房要早d訓, 但係on on o下line咁就成一點先訓呢, 所以今朝係好眼訓架^^

我要檢舉
台長： 豬仔

您可能對以下文章有興趣

人氣(35) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文