大豬...豬仔...BB豬...豬豬B 幸福的一家...豬

128愛的鼓勵 0訂閱站台

今朝巡房既時候真係好眼訓, 老細心情唔係几好喎, 又有新既medical students黎, 教授又講好多野, 加上唔知有d咩飛左入我隻眼度, 所以我不停地打呵欠不停地捽眼, 個眼訓樣完完全全地表露無遺。點解老細心情唔好呢?係因為聽日到六號佢地去韓國開會, 但係有個馬來西亞醫生前日先覆佢話要去, 今日仲話我知佢要留到七號先走要幫佢ook 房。咁老細就梗係三把火啦(每隻眼一把加埋個口噴火), 為左要同老細分憂, 我就斷言拒絕左馬拉醫生既無理要求啦。
跟住見到一個病人o岩入我個study喎, 咁老細就問我下個手術應該係做內固定還是做外固定啦(hehe病人做咩手術我決定的!hehe講笑, 係我知道, 而唔係我決定)。其實每次有case老細都會係眾多doctors面前問我既, 咁我如果答「Plate fixation (內固定)」佢就話:「Plating again? There were many plating before!」咁我就會話「Rite! The last one was plating.」; 如果我答「Ext fix (External fixation外固定)」佢就話:「ext fix again? There were many ext fix before!」咁我就會話「Rite! The last one was ext fix.」…但係呢到最後我都會發覺原來我係答錯架, 跟住我就會同佢講, 佢就會好得戚咁話:「o拿我都話架啦!」。咁今次佢問我之前既一分鐘, 我就睇得清清楚楚架, 咁我今次答 ext fix 喎, 咁佢又講返d佢要講既野。咁於是今次我就答左佢:「Yes! I m very sure!」。hehehe真開心呀, 終於都叻返一次啦(其實係一次無講錯o者hehe^^
唔知道大家有冇睇我之前寫既「今日好多意外…」呢?我咪提到我見到個人眼度流血好嚴重既, 我今日見到佢係普通ward呀!真係開心呀, 雖然睇上去佢個樣仲係腫腫地, 但係佢已經好清醒好似個普通程度既病人咁啦!我初時仲以為佢有排先可以上到普通病房, 但係估唔到佢復原得咁快!好勁呀!佩服佩服!我最佩服d生命力咁頑強既人架啦!好叻呢^^
另一方面, o係o個個日記入面我都講左一d人因為痛就要切左隻腳。同一個病房, 我見到呢個人, 醫生話佢切左隻腳之後有d depressed mood。雖然我覺得好似好慘咁, 但係我只會support佢而唔會同情佢, 因為呢個decision係佢自己決定。而佢做呢個決定, 唔同其他事, 呢個係一定無可能返到轉頭(所以點解我咁怕截肢呢..), 係一個唔可以後悔既決定。既然made左呢個decision, 就唔好depress咁耐啦, 因為初初決定要切係想快d返到工(我知道我個諗法好唔正確都好唔make sense, 但係唔知點解我初時覺得佢好似貪得意咁), 而家無理由因為咁而depress更返唔到架。我真係好希望佢可以振作起黎, 畢竟佢仲生存緊架嘛。
下午老細就走左lu, 我將會有几日見佢唔到啦!真係開心, 唔知會唔會有手信呢?