24h購物| | PChome| 登入
2002-09-27 23:50:27| 人氣46| 回應0 | 上一篇 | 下一篇

越來越好

推薦 0 收藏 0 轉貼0 訂閱站台

今日朝早返工又係白逗人工, 又去左download animations, 所有都差唔多比我download曬啦。等到頸都長埋, 終於等到我老細返黎。佢返黎交低左d野比我做, 又好鄭重咁問左我應該點交我既MPhil推薦書。我話佢知下午要去大學交MPhil申請表, 佢就同我講要入OT, 臨走仲問我聽日返唔返工, 咁即係我成個下午都見唔到佢, 表示我可以走得啦。^^
不過呢, 責任感驅使之下我決定完成手上既工作先走。咁亞希今日過黎同我食飯, 我就話不如我走得既時候去佢hall參觀一下跟住帶我去Graduate School交form啦。食完飯之後我高速地做完要做既野, 好好彩我想佢做我referee既consultant潘醫生係office, 咁我就梗係拿拿臨搵左佢做我referee啦!講起潘醫生, 佢真係好鬼好人, 仲係罕有既鑽石黃老五, 最近學緊駕駛直昇機…邊個女仔對年長男仕有興趣, 可以去碰踫運氣。
講返我既行程啦, 我搵完潘醫生就去左hall參觀, 之後就去交表。我係大學行行下, 居然比我見到我既好好朋友Jennifer, 真係好開心的: ) 咁我地就相約一齊走啦。結果我地去左旺角, 買左d野行左陣街我就返屋企啦。
返到屋企, 發覺整完個地板真係完全唔同曬。令立立的令我覺得我mom and dad好利害, 因為係佢地自己整架!!自從我地大廈攪左一個水渠工程之後, 佢地就致力於美化我地既家居。首先係浴室煥然一新, 跟住就到牆紙, 跟住係晾衫既地方, 跟住就到地板…曾几何時我覺得屋企好殘架…而家都變得越來越靚。雖然係有少少家無寧日既感覺, 但係效果實在非常之好, 好似好多野咁, 我相信努力過就一定會有成果。為左留低呢個美好既時刻, 我好無聊咁幫我屋企映左d唔同角度既相。
其實唔淨止係屋企架, 我覺得周圍既事物都越黎越好, 好似做野咁, 其實我真係好好彩可以做到呢份工, 又可以做懶骨頭老細又好人。屋企同朋友都好錫我添, 我覺得簡直係可以用好幸福黎形容架!!唔好話我曬命啦…唔滿足一下點可以開心呢hehe
雖然每個人都會有失意既事, 或者係呢一刻覺得自己交上惡運, 傷心不已。但想一想吧, 總會有一件事令你覺得安慰令你滿足。我的朋友們哩!至少你們有我嘛hehehehe…...我好希望你們都可以開開心心哩!

我要檢舉
台長： 豬仔

您可能對以下文章有興趣

人氣(46) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文