大豬...豬仔...BB豬...豬豬B 幸福的一家...豬

128愛的鼓勵 0訂閱站台

o尋日真係好忙, 做野做到連睇website同埋寫日記既時間都無(雖然理應返工係無時間做呢d野既hehe^^)。因為幫老細整佢去Korea開會既booklet, 同埋突然之間台灣send左d X光片黎, 咁我又要映相又要睇片, 就攪左我一個上午啦。
lunch食完三文治都只不過係一點半左右(我一點放lunch的)跟住老細又過黎同我傾我寫o個份paper啦…佢自己初初get data 既時候又唔諗清楚要做d咩analysis喎, 而家完左study既時候又話要做咩做咩喎, 咁邊有data o者? 咁就唯有好似佢話咁「點做都好啦, 整靚d寄去d journal度都有d睇頭丫嘛。」...車...比人地知道份野係個fresh graduate寫既點好睇都無用啦。不過收得佢咁多人工啦喎, 咁點都要為佢分下憂既, 同埋我都成日同佢講「受人錢財, 替人消災」啦(好奇怪呀呵, 邊有人咁樣同老細講野架?)。
咁同佢傾到兩點几, 佢先問我:「你食左飯未呀?」呵呵, 跟住仲話我好un唔洗減肥咁話喎^^。結果我既lunch hour就咁少左半個鐘啦(不過其實成日都係咁既, 反正我唔做野都無野做)。
下午又忙左一輪, 快手快腳咁整好曬所有野就坐係office 啦, 咁老細同馮醫生都係度喎。或者等我講下我地個office 係點啦, 其實唔係好大, 我諗都有poly間seven 咁既面積既。就有d櫃啦桌啦椅啦咁, 我就坐係電腦桌前, 背脊對住佢地兩個, 我老細同馮醫生就係對住咁坐, 所以佢地係度都會傾下計架, 我就係一邊「偷聽」。
話說最近有個巴基斯坦黎既醫生接手一個走左既大陸解放軍醫生(個樣好似史太龍既) 既研究, 個研究係切一d死人既手, 打碎佢既手骨, 跟住做手術固定返佢, 咁就睇下邊個手術好d。咁呢最近有一個問題, 就係搵唔到死人手臂, 就要去大陸搵啦, 咁但係過關係好難既, 咁於是佢地兩個就係度討論呢個問題啦。
「丫上次亞朱醫生係點樣拿o個六隻手落黎架呢?」馮醫生問。
「…大搖大擺咁...紅白藍膠袋囉…hahaha….一邊拖住個袋d血水一邊流出黎…haha」我老細真係好鬼核突但又好好笑的, 我地三個一齊笑。笑完大家都靜左一陣。
跟住馮醫生就好認真咁話:「呢個唔得喎, 或者好似冰鮮赉咁囉。」
「係喎, 咁海關問到用黎做咩咪話用黎探親送禮囉! Hahahah」我老細不離佢一貫攪笑既本色。跟住我地又一齊哈哈哈咁大笑啦。
可能有人會覺得我地拿呢d咁既樣黎講笑好似好唔尊重過左身既人咁, 但係咁又真係几好笑丫嘛, 而且只要做野既時候認真d, 唔係要黎玩既咪得囉, 做野咁辛苦, 唔苦中作樂一下又點得呢? 我好多時都係架, 做野就要好認真, 玩既時候就要玩到最癲, 所以做呢份工真係做得好開心架^^ , 只要做完野就可以唔洗擔心, 可以去玩得好開心, 做人應該係咁架嘛。
………雖然一定會有人話我「核突」架啦, 但係我都要寫出黎架啦。