nEVer Says NevEr ．夏天的尾巴．

82愛的鼓勵 0訂閱站台

前兩日本來約左朋友仔去海灘,可惜之前落完連場大雨,

我地就商量緊做咩好.有人隨口講左句 : 不如入離島啦~~


結果居然就此成行~~ ^^ 目標鎖定 , 南Y島~~

但係因為最快果班船 o係香港仔上船要點半～

我地果時傾緊都十二點半了…

但一過左一點半就要四點先有船喇… =0=

於是我地就啦啦淋甘趕去喇--


之但係本小姐因為某D原因 竟然搭正一點半先黎到…

真係搭到正一正…遲一秒架船都已經開左… XP

哈哈～期間容姐既焦急情度 簡直爆晒燈 ~~ ^~^

之後o係最後果一秒…我咪終於黎囉！

主角梗係壓軸GA MA~~ (厚面皮...)



啾一聲 就到步咯,我地之中,其實得我一個嚟過,

不過你地都唔好旨意我, 我事實上都只係o係渡頭果邊食過飯咋~~

行過d鋪仔,都無咩特別,

之後見到有間天后廟 雖然睇落勁殘,

不過心諗: 歷史悠久 , 梗有D料到嘅!

雖然俾臭TER笑我同蓉姐婆仔,我地都入左去求簽...卜下個戀愛運MA~~~^^

但係…求完之後 , 竟然發現果度又無纖文…又無解纖佬… (反肚中...XP)

我地就決定向’高難度’挑戰--上山睇風車喎~~~


就係咁,我地展開左十級愚蠢之旅--行到我地呢~~~唉!

我地又無攞地圖,憑住一股傻勁就學人行,

行幾耐 唔知! 邊條路 亦都唔知! 結果咪"事倍功半"囉~~ (叉腰仰首~~)

哈,唔盪失你幾條呆瓜咪算好彩!

沿路有指示? 係呀, ’D人’咪睇到明明係900公尺 同人講900公里囉~

返到大陸都得咯 ! (爆笑...)

經過海邊 又輪到’另一個人’搞笑’BOR,

因為人地媽媽睇完蘇民峰個節目 之後話要擺個風水陣…

所以叫自己個仔執舊「大」石返黎…有咁大得咁大...

呀乖仔就咁捧住舊爛鬼石頭(注:絕對唔係石仔~@V@)上山下海

都唔知讚佢好定笑佢好~~~~~~~~~

仲要行極都未完,人’支力’都算,我仲要勁俾蚊咬呀~~

小事 ?!D蚊黑白間腳GA...死啦,唔通係傳說中嘅白紋依蚊 ?! >.<

嗌哂救命又扭人抱...都無人理...嗚~

好啦,行左兩個鐘,好咯,去到咯,竟然係得一支咁大把 ?!

光頹頹咁棟係度...隔離又只得個涼亭...同三個抖涼嘅呀伯...= =’

你... 想像得到我當時表情嗎 ?

可惡呀~~~~~>W< 死都要係上面影一輪又玩一輪至肯落返去!!!



咁又諗住 行得個桔 有餐好食補返都好啦,

就去左一間叫舢舨嘅餐館食,哩~ 咪就係果間囉,紅白格枱布,對海果間.




食到中途,天 又開始落雨,唔算好大,

我坐嘅位,咁啱望到,碼頭

此情此境...

我覺得 好熟悉...個刻感覺...

好眼訓~~~^____^’




食完打算走,行到過去 黑嘅繼續黑 --

我地錯過船期,要兩個鐘之後至有船囉~~~ (已經唔知仲可以俾咩反應...死寂...)



總結呢,我覺得都唔錯,

雖然我唔明人地去離島玩,我地去離島玩

人地去吃喝玩樂,我地去行山淋雨囉~~~

但係~~ 同朋友一齊 點都會有驚喜~ ^^

總算幾特別呀~~

身心健康青少年之行 ,

結束!