瘋語童路 瘋言瘋語記低童年走過的路。 【瘋語童路】是也~~~

215愛的鼓勵 0訂閱站台

26/7 星期六, 真係一個好重要o既日子呀, 因為上o左七堂教練班, 最後就要考試, 其實個個人都話好易o既, 不過輝sir 又話每次都梗有人唔pass wor, 咁個個都知我讀緊呢個course o家嘛, 唔pass 咁就勁樣衰喇, 所以都幾有壓力o家!!

果日朝早打籃波, 政文好唔好彩咁咬柴, 所以機都冇打就走人喇, 而我又要等教波, 咁就一條友o係m 記hair 喇!! 教波……唉, 都係一個灰字, 以前就睇好班乙組o既, 而家反而我覺得班丙組仲好, 起碼佢地有心機打波先啦, 對住班乙組, 叫佢地練野就好似叫佢地去死咁, 都唔知點教?!

教到五點半, 拿拿臨走人, 早少少出到去可以溫下書嘛。 去到, 阿榮同幾個同學仔都到o左喇, 咁就係咁吹水, 都冇溫到書。
其實今次考試, 我驚practical 多d o家, 因為一緊張, 咁就平時做到o既野都未必做到wor, 仲冇咩練過tim!! 反而理論果面, 我諗都唔會太難o既。
好喇, 阿sir 黎喇, 坐好之後就考喇。 其實又真係唔係咁難, 不過有一題我就冇溫到, 老吹我諗都有d 分掛?! Pass 應該冇問題。

到o左practical 喇, 分兩group, 我果group 跟輝sir, 一開始就考開波先, 我就係我果group o既第二個, 第一個係咬o左大柴o既高佬。 高佬開波唔係好得, 我諗佢緊張掛, 攪到我都好驚tim!! 到我喇, 開波要開去三個地方, 右邊開失兩球, 中間好easy 開晒, 左邊就炒一球, 都算唔錯o家, 幾理想, 十二球炒三球o者!!
不過有d 同學仔就冇咁好彩, 勁開失, 可能真係太緊張喇掛。

開完波, 就到o左最驚o既拋波喇, 哈, 冇錯, 拋波都唔係一件易事呀, 拋波去三個鎚手o既位置, 落點要到指定o既地方, 又要o岩高度wor, 之前練過, 都拋唔到o家!! 一開始拋大鎚, 哈, 如有神助, 炒一球ja, 到後二, 唔小心炒一球, o者係十球炒兩球。 到拋2.5, 十球好似冇炒到, 非常滿意, yeah ^^!!

拋波之後就到feed 波喇, feed 去場上面三個位, 有三個同學仔就坐低等食餅喇!! 我之前個高佬, 佢行唔到, 佢又拋波拋得前o左wor, 所以佢feed 得唔係幾好, 到我喇, 其實我feed 波就最有信心, 因為我feed 慣晒啦, 不過都係果句, 驚失準o者!! 不過…真係勁開心, 十二球裏面, 中晒target, 就算最多都係失一or 兩球, 哈, 我覺得果日我算係考得唔錯果個黎o家喇!!

好喇, 到最尾就係一個最無聊又最好玩o既時候, 就係對搓喇。 兩個兩個, 對搓俾阿sir 睇, 佢就俾分wor, 咁大家過得到個skill test, 我諗點都冇咩問題掛?!
我就同阿榮一group, 哈, 真係好玩, 我地冇理過計唔計分, 玩到傻o左咁, 又大力殺又tip 波, 玩晒野 ^^!!

就係咁, 個考試就完o左喇, 之後仲影o左相tim!!
之後我同阿榮, 阿鏗, 阿賓, 阿輝同埋個高佬去o左食飯喇。 我地幾個係咁吹水, 都吹o左好耐, 係咁傾排球計, 哈, 真係幾開心o家, 大家都咁o岩key, 不過過o左果日, 我諗都幾難可以約番出黎喇!!

阿sir 話兩個week 會知result, 雖然我諗pass 完全冇問題, 不過都想知道自己考到幾多分嘛。 讀完呢個教練班, 之後仲要讀多個甲部通論, 再實習三十個鐘先可以真正攞到個證書o家, 阿sir 話最快都要七個月呀!! 不過我都唔急啦, 反正而家都教緊波喇, 仲幾好pay tim, 哈哈哈哈!!

教練班俾我學到好多野, 充實o左好多排球上o既智識, 呢d 野, 可能打好耐排球都未必學得到o家!! 所以今個summer, 最開心, 最充實就係上o左呢個教練班喇!! Yeah!!

28/7/2003 風四字