上星期日就係乙組聯賽o既第二場, 對華青。 一早就到o左大興體育館, 其他人未到, 咁就睇下波先喇!! 點知睇落去, 有兩隊熱緊身, 不過見佢地搓波, 我就懷疑緊佢地係咩隊, 因為有d 人o既基本功非常咁差, 我仲以為我去錯地方tim!!
隊友們開始黎到, 咁就一齊睇波啦, 不過場波就……!! 等到齊人, 咁就出去傾o左一陣野, 其實我地之前都睇過下華青打波o家喇, 佢地主要都係打一支高佬大鎚, 咁o者係我地後二就有餅食喇!!
入番去, 諗住就黎完場, 點知好衰唔衰, 又要打第三局, 咁我地個個又坐番底等開波喇!! 睇o左一緊女子甲二比賽, 都唔錯, 好睇過男仔果面, 之後就到我地打喇!!
唔知點解, 果日都幾緊張, 可能自己打大比賽o既經驗都係太少, 所以好驚, 唔係驚d 咩, 只係驚自己又發癲, set o左d 唔知咩波出黎, 咁就累死大家lu!! 同埋我發覺得o既自信心真係少得滯喇, 有時見到人地比賽, 我都覺得人地(setter) 好勁, 有好多波都可以好到位, 而我自己就仲未可以保證到位wor, 所以我成日都驚自己未到乙組o既水平!! 不過, 有時自己打完波, 都覺得自己未至於差到咁o者, 又係自信o既問題, 真係駛唔駛去睇下心理醫生呢?!
熱身時間得好少, 真係我o既大忌黎o家, d 手指硬過個頭, 都唔知點set!! 不過都冇計, 大家都係咁少熱身, 唔可以俾藉口自己呢!!
好喇, 開波喇, 雖然之前匯進係發生o左好多事( 好多關我事o既tim), 不過, 到o左比賽, 大家都唔會去諗其他野, 都係try our best 去比賽, 其他野, 遲d 先算啦!! 當然, 一開局, 幾緊張o家, 不過, 我就不斷咁提自己, 唔好驚, 一驚就set 唔到波o家喇, 仲要唔好諗其他野, 一諗又唔識set 波o家喇!! 雖然, 一開始set d 波都唔係好定, 不過, 經過自己不斷提自己之後, 真係有d 用, 咁就係咁set 係咁set, 不過, 我都唔係太滿意自己o既表現, 因為好似每一球都差d 咁, 完全達唔到自己o既目標, 仲有d 大鎚就set 得太高, set 後二又太矮, 又冇俾到中間打波, 唉, 睇番, 好似一事無成咁!! 防守就……一般啦, 果個死人高佬, 真係成日打直線, 我就同佢個波面對面咁喇, 我total 食三球, 一球就係開局冇耐打到我大脾, 一球就係打中我隻手, 不過我自己起唔到, 一球就起得到, 不過飛o左去四號位!! 攻擊……我唔係鎚手, 所以攻擊得一球, 就係阿水set 過黎o既, 唔係鎚手, 不過反而我就最滿意自己果球o既表現, 雖然打唔死人, 不過, 果一球九樓咁高, 對面又有一個高佬wor, 之後我都仲有力打落去, 雖然佢封到, 不過個波就飛起o左俾我地再做過波, 呢球雖然人地睇落平平無奇, 不過我自己做到平時做唔到o既野, 咁就開心o家啦 ^^!! 不過一個setter, 最滿意o既地方係一球打唔死人o既攻擊, 真係吹漲 !!
我地第一局本來領先o家, 不過, 之後我地都打得急o左, 所以有好多chance 俾o左人, 咁就俾人反超前喇, 之後我同子洋被換出, 當然今次被換出, 同上一次非常唔同, 因為我都講o左明白匯進o既做法嘛, 果陣就真係需要換佢地落去, 打番一兩球, 過o左果個位去!! 之後佢地落到去, 打o左兩球, 咁我同子洋就落番場, 可惜我地都係守唔住, 咁就先輸o左第一局喇!!
其實第一局輸o左, 我都想阿偉出第二局o家, 唔係冇心機打wor, 而係想阿偉可以打番一局, 佢熱o左身o既話, 咁就勝算大d o家嘛!! 不過師兄都冇換走我, 咁我當然都係…try my best o家啦!!
不過我地今次開局冇咁好, 俾人地領先, 咁我地就不斷咬住喇!! 到o左後尾, 咁我同子洋被換出, 咁就睇換o左阿偉佢地入去會唔會有d 變化喇!! 不過到o左最後我地都係輸26:24 !!
不過都算啦, 我覺得大家都打得好好, 不過我地係防守方面仲要改善, 仲有就係攻擊要再加強, 等等等等
打完今場波, 唔知點解好似唔好夠咁, 可惜冇地方再打波啦, 好彩聽日有得練波o者, 如果唔係又有排先有波打!! 之後我地傾完野, 咁就睇波喇, 睇o左一場楓港對smash, 之後就睇o左一場人妖打排球(二), 最慘就係我地要對佢地!! 之後就去o左建生食飯喇, 食完飯就走人lu!!
其實果日都打得幾開心o家, 雖然輸o左波, 不過, 我地大家都打得番自己出黎, 我地都始終未夾熟, 我覺得比賽實有輸波o既機會o家啦, 不過大家都盡o左力, 咁就ok 啦!! 加上而家好似冇咩事咁, 咁就ok 啦, 唔知係唔係真係之前d 事冇晒, 望就咁望啦, 咁之後大家就可以專心打比賽喇!!
下一場就對楓港, 佢地有D 係外援黎o家, 睇落都好似幾打得, 都係一場硬杖呢!! 希望下次大家都keep 到狀態啦!!
29/4/2003 風四字
文章定位：
