前一天還說要努力畫畫......
後一天卻.......
18號果日 一早起身扮靚靚番學
唔係因為果日我心情好 而係我知道我可能會見到你
果日幫e ling拍訓導d片
我一口應承e ling幫佢
而家諗番起 我都覺得好傻
點解要令自己唔開心
其實我唔應該去......
係學校門口 撞到羊二
佢陪我上左214放抵d野
之後再落105搵e ling 佢地
一入到105 雖然你伏左係度 不過我知道一定係你
你係唔係好累呀???
琴晚好夜訓???
你同聰咬左交...???
好想好想問你 不過都只係係心裡面問.....
直到正式拍野果時 你至醒 你一定係好累了...
但我又唔可以為你做得d咩....心痛你.....
果日我終於可以認識另一個你
其實我對你既認識真係唔多
即使我同你係同一間學校
不過我對你既事 真係知得少得可憐
你拍野果時好認真 我好鍾意果你
你好似比以前開心左
我同你一齊果時 你都冇真正咁笑過
以前都係因為我 而令係唔開心...
你一路拍野 我終於可以光明正大咁望住你
你又剪左髮 仲染得啡左
你冇再帶果條綠幽靈 變左黑底白字既nike護腕
你仍然鍾意黑白色...
不過我直覺果個護腕係你而家既女朋友送比你...
我知道果時呀光feel到我眼裡只有你
呀光係第一個見過我地既合照既人
當時你同我講
呀光問我係唔係你女朋友
你否認左 你話我地只係fd
我知道你果時係想試我至會咁講
我當時都覺得冇乜所謂
不過以前既一句話好傷我而家既心.......
你好快拍完e ling個miss look
之後就係melly同文婷睇雜誌
lemon同呀虎玩籃球
中途有一個人仔入左黎
如果我冇錯的話 果個人係呀雞
(岩岩記起)
(係南丫島同你一齊買"相愛符"比我既人
(係陳峰 唔係呀雞)
(你同過陳峰講過我同你既事)
(陳峰都認得我 不過我唔認得佢)
(你仲話 陳峰講笑話下次見到我會"啤"住我)
(你以前比過我sports day張相相陳峰睇)
(佢仲讚我好靚女 你聽左之後幾開心)
(不過而家既你已經唔會再放我張相相係銀包...)
當時我誤會左呀雞=陳峰
所以當我見到呀雞黎左
我就好心慌 唔知自己做緊咩
因為佢係第一個同埋唯一一個知道晒我地既事既人
拍左好耐都未到我同羊2 之後我就去左214拎番部mp3
我一番到黎就到我同羊2個場
果時好驚...
驚..唔係因為怕對住個鏡頭
而係因為你會係鏡頭另一面拍抵我
當時 我拎住mp3 一路震 一路講笑
我知道我係你心目中 只有同情
我唔想你知道我唔開心 我更加唔想你難做
個場係講我係度唱歌 嘈醒左羊2
呀光叫我唱"他約我去迪士尼"
第一個take 拍得一d都唔好 仲比呀聰話我唱錯歌詞
我應佢話唔記得歌詞
而你冇出過一句聲 只係好靜咁獱機
部cam好大遮左你個樣 我一d都睇唔到你個表情
我 睇 唔 到 你
之後唔唱"他約我去迪士尼"
唱左"浮誇" 又唱埋"dd保你大"
3個take都係唔得
而家拍得好搞笑
終於我可以令你笑喇
我唔介意係你面前做小丑
我快樂 是知道你快樂
我真係唔想咁快拍完我個場
我想你正面咁望住我 唔好再避開我
(以前你成日叫我唔好再逃避你)
(呢段時間 我終於知道你有幾難受...)
呀光終於都忍唔到我咁差既表現
佢示範左一次比我睇
之後我唱"他約我去迪士尼"
由你獱機 呀雞收音 一take過掂左.....
好想呢段片永遠都唔會有拍完野一日.....
之後冇我既close shot
我就睇住你拍埋剩抵既野
我一路聽住呀光叫你個名 一路發呆
如果我地當日冇開始過 至少我地仲係fd
我仲可以叫你個名 你都唔洗扮到唔識我咁.....
3點幾左右完左之後 羊2陪左我去214
我晝油畫 佢做功課
果日 我一d都畫唔到
miss dew走左冇耐 我同羊2都走.......
"是我太愛你 願意放生你......?"
文章定位：
