今日係Jessie同Kenny既大婚之喜...
到而家都唔明...點解要揀一月一日...瞓左2個鐘...Glo就打俾我...之後即刻沖涼洗頭執野...打的過青衣...
去到Jessie屋企...佢都係剛起身之嘛...佢話俾埋條"飄飄裙"我著,Yeah,我竟然有三套衫換...試完衫...已經死左張OSIM按摩椅上面,一D都唔想動...突然電話響...一諗就諗到晨早流流邊個搵我啦...當然係Virgin啦(Bo竟然估係大佬)...佢最後都係返唔到黎參加Jessie個婚禮...
Uncle買左M記早餐返黎,好耐都冇食過早晨全餐啦(因為成日起唔到身)...最攪笑係Jessie話要食"丁加全"(即出前一丁加早晨全餐)...都唔知點解有D咁既term...
食飽飽,Jessie有專員幫佢化妝set頭,而我,Glo同Bo就走左入去toliet入面化妝...真係發覺冇左Virgin同Jessie一齊化妝就等如冇左好多tools,連眼影同閃粉都冇,哈,平時唔加入化妝團既Bo,竟然有一盒眼影既set,真係有D離蒲...
換好衫,大佬同其他姊妹都開始蒲頭,講下個rundown,之後我就幫Jessie打左俾Kenny,二五一番,哈...竟然有條問題係問"香港現任律政司司長係邊個?"我住係香港都唔識啦...
Kenny同佢班兄弟一上黎,我就俾Jessie禁固左,死都唔俾我出去一齊玩,佢話唔想自己係間房發呆,激死人啦,係咁拉住我件衫,守住個門口,好似我要俾開門利是佢,最後兩條友係入面勁玩無聊自拍...不過真係估唔到個班零體能既"兄弟"都勉強做到掌上壓...
飲完茶就坐花車過藍澄灣酒店,去男家...三朝回門個陣,Jessie先發現唔見左個花球,引起左一度混亂...之後我地齊齊去酒樓食午飯...導演Kenny已經係咁叫我講下一陣係教堂D野俾伴郎Alan知,攪到我都緊張埋,導演又不斷改一陣個場戲,最後竟然係花仔花女行完晒,就到我同伴郎行,再到Jessie同佢Daddy行入教堂,um...我地個個都懷疑緊佢唔知佢睇左邊套電視劇,哈...
去到教堂,完全係睇到姊姊團幾能幹,兄弟團幾咁廢,咩都係班姊妹打點一切,搬野拎野都係我地,班男人全日就係攪住佢D女友打情駡悄,唔怪得要搵埋Jessie細佬同表哥做兄弟,兄弟團唯一有用既就係Alan,果然係全能打雜,哈...
開始行禮個陣,起初都好順利架,等花仔花女行完之後,到我同Alan,點知...突然阿花仔喊住咁行番轉頭,衝埋黎,真係好攪野...(事後先知花仔Daddy掛住拍Video,唔記得接番個仔,阿花仔見到一個人都唔識,所以大喊)...
之後係教堂影相...
攪完一輪...又要出發去跑馬地ClubHouse,終於都叫做休息下啦,隻腳好似唔係我咁,我,Jessie同Kenny"攤"晒係新娘房張Sofa入面,完全唔想動,叫左其他人出去迎賓,哈哈哈...(最遺憾既係我以為夜晚條裙夠長,可以著住對converse周圍走,點知??唉,真係要認命,又要換番對高跟鞋)...之後都係Heir下...行下...影下相...做下reception咁啦...最攪笑既係有一段時間我同Glo匿左入新娘房,仲拎晒D薯片旦糕入去開餐...名義上係看住間房...
到左8:45pm,所有人都就坐,係Kenny同Jessie未入禮堂之前,播左佢地兩個D片段,仲有我地6,7年前係保祿影個D相,真係好爆笑,我,Virgin同佢都係短髮look,好薯頭...跟住我同Alan就跟住一對新人入場,係咁係佢地後面灑紙碎,上檯前,班兄弟姊妹仲恨,成包成包咁灑埋去,真係一身都係...
終於都有野食啦...但成日都要cher住食,因為要陪Jessie入去換衫,好彩佢都只係換多兩套,如果唔係,我一定唔理佢,哈哈...全場既紅酒都係任飲,係用番馬會既House Wine,Santa Helena,諗起個陣係馬會實習,成日都要開呢隻酒,仲會偷飲添...
因為雙方家長唔俾玩新郎新娘,可能Kenny既DAD,Ma都係好正經,所以祝酒個陣都係用茶扮Brandy,哈...都好既...Kenny都唔飲得,唔使我地頂...
不過後尾Uncle真係好High,飲醉左...係咁同我,Glo講"uncle今晚好開心,你地做得好好,記住3號之後打俾auntie,叫佢請你地食飯"仲要握埋手添,really funny...
之後幫手執埋野,Jessie舅父車埋我同Glo回家...
真係爆攰,返到屋企已經一點啦...立即落妝換衫訓覺...
文章定位：
