waiting 我不想再去找一個相同的靈魂，相同的軀殼。 我想遇到另外一個Waiting，和一個，愛她愛到粉身碎骨的人。

138愛的鼓勵 0訂閱站台

我記得漫畫既情節好搞笑。

惡作劇之吻，個男主角係學校既呢邊走廊行緊，而中意左男主角好耐既女主角又咁岩係同一條走廊既另外一邊跑緊。時間分秒不差，岩岩去到轉角位。女主角一擡頭，個嘴撞正男主角個嘴。～Kiss～囬過神，女主角滿口牙血，但笑到傻左。而男主角，嘴角流血，頭部仲有兩條汗呢。哈哈！

果晚，錶麵上好似係一個偶然既約會。但事實上，我相信係整定既。落班前大概半個鍾，係三人對話框裏麵，我同阿man一直係度慫恿阿菜夜晚齣來。一輪口舌戰之后，終于，阿菜以“拍攝一組Lessbian相”為交換條件，應承左我地赴約。

林走前，我同菜係樓梯度傾。

我：“菜，如果妳唔同我地齣來，我地兩個一定會齣事咖！”
菜：“車，就算我唔齣來，妳地一樣會自己約齣來啦！”
我：“唔係呢，如果妳唔來，一定會齣事！”
菜：“曬氣啦，明明妳地兩個想見麵，做咩係都要煩埋我。如果唔係有相影，我睬妳地都傻啊！”
我：“ER……”

。。。地鐵。。。遲到。。。終于。。。第二次見麵。。。拍攝開始。。。

菜：“喂，妳地培養下情緒啦開始，我試機！”

我同阿man有D尷尬，對望，怕羞。

菜：“喂，唔得啊！妳地完全冇果種默契！明明外形好Less，快D培養情緒啦！”

阿man同我依然對望，笑，但仲係怕羞。

菜：“阿man，妳去拖WT隻手！”

阿man笑住咁猶豫左一陣，我DUP低頭笑，跟住聽到阿man“唉”左一聲，行過來同我講。

“用妳左手羅住支煙。”

我照做。跟住距好快咁，拖住我隻手。心跳加速中。。。。。。

菜：“妳地行上去梯級度！對望啦！拖住手，靠近D啦！”

我同阿man同時望住遙遠既髮號司令既阿菜，無奈，轉番個頭過來，對望。尷尬，但有少少期待。

man：“妳。有冇同妳中意果個T攬過？”
我：“有啊。”
man：“咩感覺？”
我：“ER……”

未等我講個答案，阿man已經慢慢咁攬住咗我。好舒服，心跳又再加速中。阿man既下巴枕住我脖頭，好溫柔咁講。

man：“甘樣落去真係會齣事既喔。”
我：“……”

其實，我已經齣事了，祗係識得笑，同埋怕羞。

比較遙遠既地方。阿攝影師大叫。

菜：“喂，妳地一係就分得好開，一係就癡得咁埋，我要曖昧既感覺啊！”

我同阿man：“妳想點啊？！？！”

。。。休息。。。菜癡住個花基埋邊坐住。。。我坐係花基邊。。。man企係我斜前方。。。

我低頭，整緊自己部Nikon7900。

唔記得左講緊咩，我忽然擡頭，見到阿man望住我，我地麵部既距離大約係半米。就係果瞬間，好似被種奇怪既磁場吸引咁，阿man慢慢咁HONG埋來。。。心跳加速加速再加速。。。我地既麵部距離大約得番40釐米左右。。。

菜：“停！就係咁！俾我影番張先！”

。。。阿man停左，我保持輕輕擡頭既姿勢，忍笑。。。大約4秒度。。。阿man繼續HONG過來，越來越近。。。越來越近。。。我個心，跳到就快飛齣來。。。零距離。。。我幹脆咪埋對眼。。。

菜：“哇！頂！妳地唔好咁樣啊！分開！分開！”

阿菜一直羅住部相機不停咁拍，但把口又不停咁大叫我地停。

。。。阿man稍微移開左個嘴5釐米。。。我忍唔住。。。輪到我HONG埋去。。。零距離。。。Kiss。。。

菜呢個時候終于拍完，距一手羅住部相機，身手好敏捷咁跳左落花基，跑到遙遠處大叫。

菜：“救命啊！妳地甘樣搞到我好似做左鷄婆啊！……”

。。。阿man同我終于停止左動作。。。我地同時望住阿菜。。。再對望。。。

死了。

今次。

真係齣事了。

就係甘樣。。惡作劇之吻。。。我地。。。開始左。。。

。。。嘻嘻。。。SWEET。。。

而傢林番轉頭，真係多謝阿菜先得。每次同阿菜講話多謝距，距都係懶唔型咁同我講：“註定既，係妳地兩個既緣分啊。”

Of Course 。。。I believe。。。

～The End～