愛麗絲　愛上　三週年寶寶 不能說的秘密

85愛的鼓勵 0訂閱站台

＊　首先，同超人一齊正式三年又一日，話長唔長話短唔短，哈哈～好開心亦好珍惜每日在一齊的時光，亦都好肉麻地～哈哈～佢叫我做「三週年豬豬」我就叫佢做「三週年寶寶」。＊

＾＾　讀書ｏ既時候～起，我已經係ＪＡＹ的粉絲，好多個都話佢唔靚仔，但見過佢真人，見佢一路彈一路唱「安靜」，覺得好勁～同埋好好聽。之後佢愈來愈紅啦～～～＾＾證明細眼都有ｍａｒｋｅｔ

今次係佢做男主角及第一次擔當導演．．．同時兼顧係好難，好多初哥都會～拍爛片。（當然佢都唔係第一次演戲，佢ｏ係黃金甲同埋頭文字Ｄ都有演出，但好明顯頭文字Ｄ．．．比較出色，因為唔需要太多面部表情，佢做番自己，而黃金甲，我覺得係服裝同形象出左問題，個造型唔襯佢）

＊不能說的秘密＊
係個都幾感人的電影，我覺得係好值得看，不過，一定要好專心去留意劇情，因為留低左唔少的伏線。

整部電影～最重要Ｏ既係琴譜－ＳＥＣＲＥＴ
我真係估唔到．．．原來係周杰倫作，我以為係真正的古典音樂，因為真係好好聽～路小雨Ｏ係琴房發現左呢個琴譜，見到有幾句英文．．．意思話．．．
一彈呢首歌旅程就會開始．．．第一眼就決定左緣份．．．Ｏ係結尾時要用最快的ＭＥＬＯＤＹ．．．

小雨彈左呢首歌，去左２０年後的世界，第一眼見到Ｏ既就係周杰倫（小倫）
亦只有小倫先見到小雨，其他人淨見到小倫成日對住空氣說話，兩個後來相戀，不過因為誤會．．．小雨彈琴又番去自己的世界，仲同老師（黃秋生）講左自己發生過Ｄ咩野，黃秋生後來同小雨個媽同班長講，揚開晒～攪到個個當佢有精神病，仲要食藥．．．面色愈來愈差．．．Ｏ係畢業典當日，小雨彈琴番去２０年後．．．

見到小倫彈琴．．．小倫見到佢，梗追出去～可惜小雨見到小倫隻手有條手繩，係屬於晴依同學，佢好嬲．．又番去２０年前．．伏Ｏ係木台上寫低自己的遺言，我叫小雨，我愛你，你愛我嗎？．．．之後佢係死左（本身佢係個有氣喘的女仔）小倫去到小雨屋企，佢媽畀佢入小雨間房，發現左張相．．係小雨同佢爸的合照，就番去問佢爸有關小雨的事．．．後來佢終於知道整件事，亦知道舊琴彈ＳＥＣＲＥＴ係可以穿梭時空，佢太掛念小雨．．．

決定冒住生命危險，都要番去搵小雨，因為舊琴Ｏ個個大樓Ｏ係當晚拆掉，所以．．．小倫彈時憑著記憶，．．愈彈愈快，所以佢番左去小雨未發現琴譜的時間，小雨當時都未認識小倫．．．命運都改變左，小雨無死到，小倫去到ｏ個度同小雨重新開始，但２０年後就無小倫呢個人，因為小倫ｏ係１９７９年跟小雨有張畢業照．．．哈哈

無咩可以挑剔的地方．．．入面好多地方，都會後來解釋番．．．黃秋生連演國語電影都可以咁勁同攪笑．．．好利害

哈哈～真係好巧合
之前同超人翻看西遊記之月光寶盒同下集．．咩奇緣
入面講周星馳用月光寶盒講　般若波羅密．．就可以穿越時空

滿足完．．．聽日又要工作，好唔想郁呀．．．

ＰＳ
ＳＥＣＲＥＴ音樂盒一個
好聽

中秋節快樂．．．（如果多Ｄ假就發達）

我對寶寶的了解～
１．熱愛鬧鐘，不過佢Ｄ鬧鐘生命好短暫。
２．沉迷買杯～～～佢看杯的表情，我相信同佢舊時看咸片差不多。
３．鍾意買ＫＥＹＢＯＡＲＤ～可以話隻色唔襯，要買新。
４．愛換電話～總有藉口ＳＵＰＰＯＲＴ自己去買部新。
５．好有性格～話想去入邊間ＳＨＯＰ話買咩野，畀我ＢＡＮ一次，佢就話唔去囉～唔買囉，我話去啦去啦，就話我煩，好堅持唔入就唔入。
６．唔聽我講野，話佢頭髮多左～無甩，就話我呃佢，同假。
７．鍾意欺負我，佢會覺得好ＨＩＧＨ。
８．樣衰唔緊要，大波就係ＢＯＮＵＳ。
９．鍾意點我讀體育新聞，借機炳我．．．
１０．好多．．．哈哈　基本上，超人成日都嫌我煩．．佢好難成功買到貴野．．．呵呵