相中既細佬係咪好精靈可愛呢(事實當然係肯定)！？我個好可愛既亞媽曾經拎住呢張相(其實唔只呢張．．．)招搖撞騙話佢生既係仔，諗返起真係無奈(-_-")！事實上Ｄ人唔單止信，當我留返長髮著返裙仔同亞媽出街或者拜年，佢工友會問：「你個仔呢！？做咩唔帶出唻呀！？」細個可以點？咪就係傻笑law！印象中我媽仲笑得好大聲話，佢咪係law，女唻ga！生得似男仔啫．．．（吹漲！！）
呢張相係三歲生日時影，其本上三歲之前既打扮都唔大分別－－咪就係型之嘛！我記得一歲生日仲著左件灰色格仔西裝（唔知張相收埋去邊呢！？），但打既係煲呔，哈哈，無敵呀！不過呢張都算係我歲前頭髮最長既一張相或者係最長頭髮既一個時間，之前影既都係戴咗帽…皆因我一路都光頭…
我曾經問過亞媽做咩咁玩，佢就話因為我出生時冇咩頭髮兼金毛，所以三歲前都經常剃光我個頭，仲用D酒（…白蘭地同Ｘ．Ｏ，而家Ｄ人用啤酒，我諗都work…依家諗諗下…真係唔知邊度搵返唻，照常理係冇可能入口…）同我洗頭，話第時D頭髮會又黑(我呢個頭叫黑!?)又靚喎，橫掂光頭，咪順便扮埋男仔law，最絕嗰句係：「細個唔玩，你依家俾唔俾我玩？」…得唔得我就唔知，淨知我D頭髮生得幾快就真，四歲既生日我已經紥到孖辮！其實聽真Ｄ其實佢呢個解釋都幾牽強，從佢個奸樣我可以相像到其實根本係佢個人癖好，所以先舞龍咁舞我…
不過細個嗰時都冇性別概念，更加冇話衣著話事權（細個既衫褲都係亞媽整，佢整乜我著乜，至驚佢唔整我冇得著啫…），所以都唔會有投訴（大個先冇眼睇），反而著褲仲方便我跳唻跳去，如果有細心留意我對腳（其實手都有）有好多瘀痕，就證明到我細過幾活潑，可能係我舅舅或者表舅都唔記得（唔知！？）我係女仔，細細個已經帶住我爬樹打雀，甚至打交．．．呢Ｄ瘀痕就係咁做成，當然仲有媽打既痕跡，「乖」得滯就會俾人打．．．但唔係縢條唔係衣架，係皮帶．．．三樣我都試過，同皮帶俾，前兩樣真係「舒服」得多，至少唔會成個禮拜Ｄ痕仲好清，摸上去仲辣辣痛，返到學真係有排俾人笑．．．
註：影呢張相（其實全部都係）係被迫，睇我個樣就知，唔知點解由細到大都唔慣對住相機，可能俾亞婆嚇得多話會勾魂奪魄，雖然越大越清楚係呃我，但潛意識唔鍾意影相係事實．．．
文章定位：
