7月6日 星期五
是日返工~~~~
都唔算忙到死,不過今日點都集中唔到,太期待晚上了~~~~
一放工就打俾雲,約埋佢就去左間cafe la~~~~
四個人就包左人地個場,雲果然係一個白痴!
久違左ge茶同燒,
久違左ge b4聚會,
四年了,有四年沒有聚頭,
四個男人,加兩個cafe職員,係一個差不多完全唔受任何人騷擾ge環境下,
我地四個咩都傾下,交代左四人四年來ge大事小事,
感覺很好~~~~
也許係一齊生活左四年ge關係,茶同燒之間好似frd左好多,
更想不到燒竟打算結婚了........
傾下傾下,十一點幾就走左,一齊搭小巴返麗城,
好鐘意呢種感覺!!
返到家,沖個涼,睇埋get backers就訓左~~~~
ps1:太好了,b4終於齊人la~~~~
ps2:好多野想打,又唔知打黎做咩.......
ps3:終於看完GB了,由一開始看已經好鐘意呢套漫畫,雖然好多人都俾唔係太好ge評語俾佢,不過我就一直都覺得好好睇!蠻同銀次兩個之間絕對ge信任,無限城ge迷團,赤屍同阿蠻全力ge一戰,係最後一期完全交代了~~~~不算令人非常感動ge結局,但令人滿意~~~~很喜歡這一套漫畫~~~~"我們的工作就是尋找拼圖,在未拼上最後一塊拼圖之前,根本不會知道是一幅怎樣的拼圖",這就是這本漫畫ge中心,講真,呢套漫畫真係好深,我唔知點講好,誠意推介俾各位~~~~
7月7日 星期六
訓到十一點幾,接大人上左家之後,
又落返去買午餐,食左個午餐之後,就陪大人去左荃廣補習,
之後我就去左剪頭髮,剪完就返左去荃廣等大人放,
等ar等ar等ar,終於等到大人放工,搭返車出南豐,買左野飲之後就行左過熊貓,
大人做facial,我就打機等佢,打左一個鐘左右大人就搞定了,
之後就叫豬同cash出門,我地就過左pizza hut等位,豬,cash同娘親都先後到左,
又等左好耐先有位.....真係無奈.....
食完晚餐,阿女都黎埋,我地一行六人就去左cafe,
一行六人,又係圍下圈吹下水甘就一晚,
我都話歡送豬只係藉口,擺明係想出黎玩je~~~~
將一眾女性送左上車之後就歸家了~~~~
ps1:大人.......我唔知點講好......總之就係....唔好嬲我la~~~~
ps2:我有唔聽大人話咩?我自己都唔覺.......但由個陣開始,我發現大人好容易就燥底,總不喜歡身邊的人易燥底.....係咪有關係呢.....
ps3:casg,你個蛋糕整到甘ge樣又唔怪得豬甘講,係有必要檢討下ge~~~~味道方面,都係個句,我淨係食到海綿蛋糕............
ps4:阿女,休息多d la~~~~
ps5:豬快要走了..........
7月8日 星期日
訓到兩點,姐問我睇唔睇戲王之王wor,甘緊係睇la~~~~
所以就同佢同佢男朋友去左睇~~~~
果然係好好睇ga,真係好正~~~~
好好笑,詹sir d 戲真係勁,仲要有黃秋生,阿旦同吳君如做客串,正!
好鐘意葉璇同詹sir講分手個段,好葉璇個一段對白好有意思~~~~
每一對情侶開始ge時候總係好開心,相處耐左就會慢慢淡左,所以點維持開心係好重要,但我認為更重要ge係點令自己唔介意無以前甘開心~~~~誠意推介各位睇睇,真係好有意思~~~~
睇完還左漫畫就返家了~~~~
無野做之下上網,點知發現有網球睇,仲要係費達拿對拿度,真係開心~~~~
ps1:大人唔應我..........
ps2:今日係一個平靜ge假期,感覺良好,但總有不好的預感.......
續~~~~
眾人正打算出發找魔王決戰.....
====
娘親:龍王,謝謝你的幫忙!
龍王:希望你們可以打敗古拉多比吧!
滅絕小五郎:我們不會令你失望的!
大人:走吧!
====
同一時間,魔王城內......
====
古拉多比:哼!他們竟打敗了三天王和薩萊格!兇,準備好吧,我要他們全都死在這裡!
兇:................
====
12星一行人.......
====
kankan:快到了!
雲:大家要小心!
燒:阿女,妳沒大礙吧?
阿女:放心吧,我沒事的了!
茶:豬,一會兒妳要小心點,知道嗎?
豬:不用你擔心,我可不會再害怕的了!
娘親:到了!
雲:大家準備好了吧?我們進去...!?大家散開!
轟轟轟轟轟!!!
娘親:大家沒事嗎?
滅絕小五郎:嗯!
兇:.............
kankan:又是你?
雲:大家要小心,他不易對付呢!
kankan:上次讓他逃了,讓我來吧!
大人:不!讓我來對付他吧!
加魚:對,交給我們二人吧!
kankan:不,我一定要打敗他!
大人:你和雲打贏了魔將,滅絕小五郎,燒和娘親打贏了暗忍,豬打贏了妖星,茶打贏了薩萊格,這個四天王該交給我們吧!
加魚:大人說得對,而且你的力量對雲他們幫助會很大,上去吧!
雲:kankan,她們說得有道理!
kankan:嘿!那妳們自己小心,若果輸了的話我可不會放過妳們!
娘親:妳們二人自己小心!
阿女:我也留下吧
雲:(有一個防守主力留下也好...)好吧!
茶:好了,我們上去吧!
兇:.........
大人:哼!我們來當你的對手吧!
加魚:給他知道我們的實力!
阿女:妳們放心進攻吧,防禦就交給我吧!
====
第十一章完左~~~~
好唔明點解要兵分兩路,十一個人一齊打唔係易贏d咩........
反正三對一同十一對一都係唔公平ga la........
文章定位：
