21/9/2009
真真正正可以遊下墾丁 就只有今日啦~所以我一大早起身....搵出租機車~聽說沒有國際駕照也是可以租得到的。但系昨日向司機同埋民宿主人打聽過~佢地都系一致話~無國際駕照唔租得電單車~民宿老闆唔會租比你~仲話"警察會抓......" 好吧~咁唯有碰下運氣啦~最壞打算系....租"電 單車"--電動單車....不過用電唔知捱唔捱到一日.....而且好x貴~沿住大街問左好几間租車店都唔肯租比我.....佢地不斷咁叫我租"電單車".....NT800一日~貴到嘔泡.........好~食個早餐先~叫左份蘿蔔糕一杯冰豆漿~都ok好食~好大碟啊~又唔想浪費~呢餐食到好飽~食曬成碟半打蘿蔔糕.....不過亦都好彩食到咁飽~因為流浪先啱啱開始.....嘿~
當我行到就快街尾~開始有d氣餒的時候~比我隨口問到一間老闆娘話肯租比我~佢話幫我打比一個肯租比無國際牌的老闆拎車過黎~噢~lucky~哈哈~點知我唔記得問佢部咩車....佢揸左部勁大部的125過黎....嗯~我諗....應該一樣卦.....跟住老闆娘車左我去入油~佢好擔心我系唔系真系識揸~我同佢講~放心啦~我日日揸番工架~不過當我問佢呢部125點撻之后....佢好驚咁望住我話:"啊?我會怕呢~我還是換部50給你吧~"哦~那更好~哈哈~原來老闆娘系我住間民宿隔離咋~早知唔洗行咁遠啦~呢個歐巴桑實在人太好~太可愛了~佢仲比埋地圖我~驚我蕩失路~話50仔平d退番NT100比我~成日先NT300咋~抵到爛啊!!好~出發!!撻著車果一陣~簡直開心到我想大叫~行左一段路發覺唔多對路~咁鬼曬嘅....太得意忘形得濟~唔記得做防曬措施~唯有折返買個口罩遮遮塊面先~雖然起唔到咩作用.......但起碼唔好做黑面神先啦~
(我副車~哇哈哈~)
好~出發!!!
沿著條公路走~第一個景點系船帆石~見到啦見到啦!!見個好靚好靚的大海啊!海邊人唔多~見到人地一班人黎玩~嗯~真好~墾丁都系比較適合一班朋友仔一齊黎反~你睇人地反得几開心~一丁友~快樂、喜悅都不能分享....
不過一個人好悠閒~自由自在~可以漫無目的咁閒逛~曬下太陽吹吹風~累了~就停下來發發呆....只是.....實在太好天~曬到不得了@@"
到此一遊@船帆石
繼續往前~第二個景點系--鵝鑾鼻公園
呢個公園要買門票~雖然唔系好貴~但系感覺上有D似桂林象鼻山咁~監硬圍起個景點收費咁.....公園好似好大~我淨系搵左個燈塔就閃人~因為實在又熱又曬~
呢度入邊好多歐巴桑响度派法輪功D野~應該系話黎到墾丁果日我已經覺得呢度D人好崇尚法輪功~果日响車度就見到街邊大大隻字印响建築物外面寫住法輪大法~當時我仲以為自己睇錯添@@"當然~本人無乜宗教信仰，更加唔講政治~SO~D歐巴桑好熱情、好有禮貌咁派傳單比我~我都好有禮貌咁婉拒左....
傳說中的鵝鑾鼻燈塔~到此一遊^^
攰攰地....當我坐响度影相的時候~見到呢家人影緊相~先是爸媽叫小朋友揸机~然后佢地問我可唔可以幫手揸机影張全家福~我當然好樂意啦~影完還番相机比佢地果陣~個媽媽同小朋友講左句~"拍得很好~來謝謝阿姨".....=.="我面部表情大概僵左半秒.....勉强講左句唔駛客氣之后走都走唔切.....心裡OS系: 叫姐姐得唔得啊........嗚~
逛完鵝鑾鼻~唔知仲有咩地方可以去~張地圖又放左入頭盔箱....但系開唔番出黎....望住前面個路牌~滿州方向.....咁早折返?無奶油架喎~好啦~繼續向前行啦~沿住條公路繼續開.....忽然見到有條分叉路指住另一個方向寫住"--->台灣最南點"
最南點?好~入去睇下先~呢條小路入去~條路好難行~無出面D大路咁平坦~我唯有減慢車速前進~黎到一條小徑入口~呢段路唔行得車~路牌話前行500米~似乎段路無咩人行.....泊好車~剛好見到有人出緊黎~問清楚出黎d人系唔系呢度入去之后~開大電話的蘇打綠.....一個人膽粗粗咁向住最南點方向進發....日光日白~沒什么好怕的啦!!走著走著~不時都見到有人迎面走番出黎~似乎系得一條路~終於~我到左台灣最南點啦!!見到呢個標誌~有d面善~好似响d旅遊書見過~我黎到的時候~剛好無人~想搵人幫我揸机都唔得添~好在~呢度d栏桿夠高夠寬~眼見四下無人~我放左部相机响栏桿度.....一個人好白痴咁玩自拍~玩夠啦~聽到有人入緊黎~系一對情侶~好心幫佢地影左張合照之后~自動閃人費事做電燈泡~
到此一遊~台灣最南點^^
接落黎~繼續我未知的旅程.....一路開一路開....沿途依然是美麗的風景~太陽依然系熱情如火~一大片藍藍的天空、一路延伸的海岸線.....一路發著呆一路在想....這條路會通往哪裡呢?走走停停~看到一片美美的小野花，停下來影相......累了~停下來歇歇.....
走著走著~到了龍x... 沒有看到什么景點~就只系路牌寫著"龍x"~停好車減小徑走過去~是懸涯邊~然后遇到今日第n次遇到的一對HK情侶~第一次响鵝鑾鼻燈塔~我問佢地幫我影到此一遊相~第二次响最南點小徑上~我出黎準備走人~佢地先入去~第三次就系呢度啦~佢地一人一部單反~講廣東話好有親切感啊!哈哈~第三次撞到我就直接用廣東話同佢地講野啦~原來佢地兩個人包車連司机咁繞一圈玩~當佢地聽到我一個人揸机車....不約而同咁話我好勁.....=.="我又用傻笑咁應人~嘿~見到佢地實在太好啦~向佢地司机問左路之后~個司机問我有無地圖响身.....我話無~佢都唔知點解釋比我聽好~咁我就問可唔可以跟你地車行?佢地好爽快咁答應左~我運氣真好~竟然有人出現指引我方向:)
跟住佢地車~我地又黎到下一個景點--風吹砂
終於見到有块石牌系印住呢度個地圖啦~個司机指住個地圖教我點樣兜一個圈去番墾丁大街之后~繼續佢嘅景點講解....最唔鍾意聽呢D介紹~聽左一陣~影下相~佢地繼續出發~開始佢地開得好慢~唔知系唔系等緊我~但系我又唔想好似鴨仔團咁跟住人地走....好似無咩意思~所以我跟跟下....就無再跟佢地車啦~之后....憑住剛剛影低的地圖~繼續一個人的流浪.....
唔知系佢個地圖太簡單 還是實際路線太复雜......我有少少迷失方向~開左好耐車~都未見有路牌嘅?我該不會是走錯路吧?呢個時候....我開始覺得好熱好曬好口渴同好肚餓~望下個表....中午一點多~唔怪得咁鬼曬啦~開始覺得外露的皮膚隱隱地灼熱起來、然后火辣辣的痛.....
我想~我應該是走過左司机所講果個應該轉左的路口~望下個地圖~應該前面仲有路可以轉左的~算了~往前~總有路的~剛巧路過一個歐吉桑車住個歐巴桑從左手邊他分叉路迎面而來~正好可以問下路~我問得好奇怪~指住左邊佢地黎果條路問:請問這邊是往哪裡的?好神奇咁佢竟然知道我要去恒春方向.....答我~"這邊往前一直走到路口向左轉就是往恒春了~"~OH~YEAH~
行左一段好長好長的路......終於見到有路牌啦~指住恒春方向~呢個小鎮~入到去有D似番左乡下咁~經過好似市塲的地方~見到有好簡X的面檔~原本諗住隨便食個道地的面塞飽個肚先....點知~老闆娘話....無野食~=.="望下個錶....難怪~下午兩點几.....下午荼時間都黎....人地梗系收檔啦~佢叫我行前D應該有....行行下轉左出大街~遠遠咁見到有屈記~仲有親愛的7仔~停好車~衝左入去食左關東煮+冬粉塞飽左個肚~買左支茉莉綠茶坐左响7仔嘆冷氣~抖一抖~忽然深深咁體會到.....有7-11真好!!!>__<
而且7仔入邊D服務生好好人啊~幫我煮埋.....(話說我未响7仔食過關東煮...唔識點搞~)~個阿姨仲指住我小腿話~"哇~你腳都曬紅了~很痛吧~"嗚~謝謝關心~外面真的很曬~謝謝你窩心的問候.....嗯~~
恆春街上.....
今天天氣真好啊~
黎到恆春~原本想食個豆花先走~但系又响7仔食得飽得濟...咁算啦~呢度開始~有明确的路牌指引我番墾丁大街~曬左成日~決定番去民宿抖抖先~原本想去逛逛的貓鼻頭...臨時取消~我要攤抖下充下電先~番到民宿第一時間過隔離叫老闆娘同我開左個頭盔箱拎番部dc、水同埋地圖先~佢好耐心咁教我點開佢個頭盔箱.....原來系唔可以監硬黎~系有"橋"妙架....=.="白痴啊~明顯系出發果陣興奋得濟.....無問清楚~嘿~
今日最后一個想去的地方系關山睇日落
老闆娘話日落大約5點几六點~現在先4點几~番上去睇下電視抖一抖先~5點再出發~
我真系出門遇貴人~出發去關山响墾丁大街等緊紅綠燈的時候~我隨口問旁邊同樣等緊紅綠燈個阿姐關山系唔系呢個方向~(其實我明明知道系呢個方向~純粹系想确定一下安心d~)點知佢答左我系之后仲好熱心咁話~"跟我走吧~" 就系咁~佢帶到我行左好大段路~之后去到有明确寫明關山路牌的分叉路口 就走左啦~我又遇到好心人啦~~~~~嗯~~
關山好多人慕名而來等睇日落~我睇左我咁大個女睇過最靚最靚嘅日落!!!>__< 真系靚到唔知點形容!呢一刻完全覺得不枉此行!好滿足啊~今日:)等到太陽消失在地平線之后我就趕緊起程番歸啦~因為怕天黑認唔到路~所以無等日落后的MAGIC HOUR.....不過幸運地~在原路折返的路上 我看到了美呆了的晚霞.....忍不住停下車~拍下這美妙的一刻風景
今天 以美麗的晚霞結束滿滿的一天。
今天遇到的人、事、物 都讓我很難忘~這趟小小的流浪之旅......
當一個人走在路上 原來根本沒有怕的餘地 也由不得你猶豫~
害怕 就會裏足不前 猶豫 就會錯過沿途美好的風景
在路上 就只能 一直往前....
還車前留念:)
文章定位：
人氣(101) | 回應(4)| 推薦 (
0)| 收藏 (
0)|
轉寄
全站分類:
不分類 | 個人分類:
遊歷 記 |
此分類下一篇:
流浪日記
