4月1 日 星期一
成個街上都係細菌,醫生好好人俾左2日病假。
但我俾無乖乖係屋企休息,因為我真係屋企悶左好耐啦。我要出去輕鬆、要出去買衫衫呀!!加上朋友仔又請左病假,咁咪一齊出去陪佢去明愛醫院覆診。係呀!!又係醫院呀!真係大吉利是呀。連續2日都係去醫院呀!!發覺自己個耐性比以前無咁勁啦,以前我唔怕悶,可以等幾耐都可以。但係而家呢??可能係生活習慣唔同啦。生活節奏快左….壓力大左….所以我好怕自己一個人。就算係屋企我都會開哂0的電視呀電腦呀要開大大聲既mp3 陪我。
見到街上唔多人,就算都係急急腳行,商場更加唔駛講啦。真係少人到腳步聲都聽到呀。你話我係老細既話,我就唔開鋪啦。都無人既,咁有咩意思。長遠睇個香港都係一樣咁唔好景。唉….身為香港人都好低落。
毛毛又過左澳門做野啦,原本打算佢唔駛過夜麻……….點知………唉……
夜晚睇下睇廣告,睇到新聞報導話張國榮哥哥跳樓自殺。聽到…..好唔舒服,係唔係真架。有0的唔相信呀。個事業同愛情方面都無咩問題咁,咁點解要咁傻呀??不過有0的野係無得解既,可能佢自己都唔知自己會咁做呢?..我地身為fan屎只可以…………..希望佢可以安息啦。
佢係我個腦海中就係比較靜、沉默既人。但係我又覺得佢係一個好有才華既人喎,多數藝術家既人就係咁啦。我覺得佢同阿倫係形成一個對比,而黎明就同佢好相似。所以我心目中都係鐘意0的沉默少少而又有味道既男人。唔知幻想同真實係唔係枉枉係相反呢??
文章定位: