05/1/29
請左半日假去睇beyond 最後合作既演唱會。
因為朋友仔們先買到飛睇，理所當然一齊坐，但原來坐係我隔離係朋友仔既家姐既男朋友，
所以同陌生人都無分別，不過唔緊要啦，我預左同恒恒兩個人睇無分別。
講番個show 梗係有悶場，講真「海闊天空」打後既歌我都唔係咁熟架咋。
好彩都有0的位係可以大合唱，所以個氣氛都算幾好既，只不過我唔太鐘意三面台啦。
返到屋企即睇最近電視最hit 既「大長今」，我都有湊熱鬧，
其實個故事大約內容都係圍繞宮廷報仇，但往往呢0的劇情就最得香港歡迎，
加上我覺得配音功夫都係一流架。長今係劇中既精神帶俾我好多啟發性.....大家都一齊去感受下。
文章定位：
