♥ 從夢幻的彩虹教堂出發 ♥ 這是我自從認識小肥肥後的生活記錄

919愛的鼓勵 0訂閱站台

嘩！真是超級驚呀！今天又去第一次見長工，又放最後GPA，超可怕呀！

原本本月心情和自信心於極度低落期，但真如星座所說 “六月金牛座事業會於迷茫期走到光命處”，果然果然！

真是太好了，全年GPA高企，這總算對得住「平平無奇」的Year 2了。哈哈哈，暫時是3.53 (還有一科未出哦……)

至於見工方面，這兩個星期被流感纏身，只可以用最大能量去build一個website出來，都合我的standard，可是還有待改善，而且個showcase都未做好。做到我覺得可以見街坊的時候，我便會放在icq的link給大家看哦！

講返今日的interview啦！是一間中小企的advertising agent，走高檔路線，人數只不過十個有多少少。未去in的時候都好驚呀！因為佢招聘時要professional和有中國商業知識的背景，個人工又非一般地高。我想我何得何能呀，一個fresh grad，識飛都唔得啦，都無實際商界經驗，但佢竟然肯in我，咁咩試試囉！

一開始個老闆對著我份cv黑面地看，然後又不停咁問我關於branding的問題，點解想做brand designer，有咩行銷策略，對中國的市場有甚麼看法。嘩！心裏超級滴汗，個腦要不停咁轉，差點暈低(因為我仲未病好…)幸好個managing director都幾好人，咁我都無咁驚。如果比raysen聽到我d答案，一定會黑面囉！因為無做好功課，d information無記到，只是點到即止，d野唔concrete。好彩因為job online training和poly的課程，我先有d野講咋！

之後咩 “食老本” 比d舊野佢地睇，佢地話ok喎！之後竟然問我之前見工得到d咩評語喎！我咩話這是第一份見的嘛！之後佢又問我一大輪想做咩公司和介紹佢地間公司。最後又話我因為fresh grad，所以無咩business sense，而且佢話想我下星期見埋其他工，才決定去唔去佢間公司，費事我唔甘心喎！個manager話下星期佢會打電話比我，同我再講和商量個salary。

嘩！！看看個時間，竟然由1015 in 到 1200，一個半鐘長超世紀interview。

咁係咁係想請我呀！？男朋友說他是想和我nego個價錢喎！我都明架，佢無理由比我咁高人工架嘛！但我下一個星期應該點同佢講呀，我唔識架喎！！！

份工當然不是舒服工啦！但要接觸的範疇都幾廣，除publishing外，還要做show和event的decoration，space design，所以佢地話要請個全能的designer比較難 (我好彩每樣都知少少：graphic + product + interactive + space design)。小公司要食腦攪大show，又要grand，但又要低budget，都幾腦筯急轉彎 (不過外國一早就行小公司食腦制)。

仲有呀！佢話第一個月是時薪制，咁可以大家試試，不用七日通知喎！唉，個腦好多問號。唔知佢係唔係真係請我？我要幾多人工呢？我又做唔做得來？

P.S manager在多年經驗後對各大學院的看法，都幾得意：

港大生自大，好高而吹水無料到；中大生懶懶閒，做事唔積極；poly 的人只是做他們喜歡做的事，做多少少都唔肯；浸會的人成日只會看錢看，勢利；嶺南的人目光短淺，著眼現在。聽到我出冷汗，我都是大學生嘛……最後她說城大的都幾務實，幾好，咩咁比面呀！