今日, 我地又再一次咁好威.
無辨法, 中七理唧係中七理.
我想講左晏晝先, 咁話說我地今日下晝既時候啦, 我地學校中六果級既兩個候選內閣響操場出面嘈喎. 咁我地成堆都響晒Phy. Lab.嘛, 好應聲, 所以我地就拿拿聲出左去睇咩事. 好似係因為”感情內閣”有人大聲串”部門內閣”, 所以有人又起哄又剩. 總之都唔係咩大件事來啦. 跟住果個”部門內閣”響操場拉票, 經過我地班房, 為左文海, 我地就以30張選票, 威迫利誘左碧沁入去Phy. Lab. 一入到去, 我地成班就開始癲喇. 我地指定要碧沁講政綱, 佢面都紅晒咁. 最過癮係文海同我地玩埋一份, 最搞笑係我地一齊玩緊阿碧沁之際, 碧沁跟本就講唔到要講既野. 突然阿文海一拍檯, 我個心真係離一離, 以為死喇文海嬲. 但係點知原來文海話[收聲, 你地班野唔畀面我下嘛?!]哈哈~~笑死我地, 碧沁塊面都紅到傻呀~~哈哈. 不過我睇得出”部門內閣”班人好奇怪點解我地可以咁團結?又或者話, 點解我地可以咁癲?
之後, 去到放學, 原來今日我地個同學呀阿俊傑要走, 去澳洲讀書. 咁呀翟生文海佢地諗住同佢搞個farewell. 但當然如我所料, 哩個party都係旨在大家開心.^^ 我一放左Bio, 走過去Phy. Lab.見到佢地買果d野都已經心知不妙, 有沙士, 可樂, 鼓油, 醋, 梳打水, 沙律醬同埋奶, 嘩嘩嘩, 諗起都痴線.
第一round首先玩食蕉, d蕉全部都係爛既, 仲要加沙律醬吃, 開頭已經覺得好變態.之後仲有好多野, 譬如要飲鼓油啦, 阿虧興抵死, 講大話昆我, 點知畀光頭踢爆左,. 要同鳥榮一齊隊多杯鼓油. 眼見呀IT雨, 卡比同塋姐隊醋隊到眼都紅埋. 之後仲要胃痛添. 勁陰公呀! 到左吃菠蘿飽果round我地發現左原來嘉泉佢食菠蘿飽好勁, 可以用一啖半, 無錯, 係一啖半食左成個一般大細既菠蘿飽, 痴線架真係 >﹏<
之後, 好明顯係越玩越變態, 呀聰佢入左一杯有可樂, 奶同鼓油既野之後, 眼都突埋, 仲嘔埋泡, 相信見到既人永遠都會記得果個泡有幾核突的!!但壓軸既都係呀翟生飲果壇野. 嘩, 真係咩都有, 仲要有可可米. 又有soda, 加左d好多醋落去, d泡發都起晒, 飲左落去唔死都一身潺. 好值得嘉獎既就係文海同光頭, 因為唔係佢地兩個幫翟生頂左一半, 翟生根本唔會飲!!你地好偉大呀!!^^
哈哈~~我地班其實真係幾變態的!!
文章定位：
