今日係浸大BU同科大UST既Open Day. 年年既Open Day都係各位預科同學既大日子, 今年中七既我就當然唔可以唔去啦. 普遍來講哩, 理科人都會比教偏愛UST, 因為UST開既理科比BU多得多. 而且仲有Engineering添. 不過, 我今年就去左BU. 因為果樹有我想讀既中醫開嘛. 今日我地一行人有我啦, 王生啦, 家樑啦, cfood啦, tweety啦, 仲有阿潘小姐既. 仲撞到唔少人, 好似阿winnie so呀, 阿Mio, 翟生雄雄咁. 真係多人到爆!
一入到去中醫藥大樓, 勁搞笑. 好多人都認得我哩個果時響summer camp搞事既人. 哈哈, 好似好興奮咁話[喂, 我認得你, 你有去summer camp架嘛!!], 哈哈. 好搞笑. 今日全日都響中醫藥大樓留左好耐. 到見到唔少果時有份負責既組爸組媽. 仲有傾下計添, 都幾開心. 阿家樑, cfood, tweety佢地見到我識咁多人, 都覺得好奇怪, 仲話我今次Open Day去BU似探親多過參觀. 哈哈!
我同阿王生晏晝去左茶莊吃飯, 佢試過都話茶莊d飯好吃, 又唔係貴, 真係好正, 如果住得近BU又或者去開果頭, 得閒碌去吃個lunch都真係唔錯!嘿嘿~
其實BU有好多系我地見到都覺得好得意, 就好似European Studies咁, 讀四年入面有一年可以去歐洲留學一年, 真係好正, 去歐洲一年呀……!!恨死隔離! 仲有傳理係咁, BU既傳理好就係人都知咁濟. 去到佢地既基地, 真係見到好多人哩, 仲嗌晒口號咁, 個勢真係好勁. 不過有樣野我地好唔明, BBA果邊放晒d file響度唔係畀人拎架咩?佢地唔畀人拎就唔好放到周圍都係咁啦……:P
不過, 我地四條佬咁耐無見, 最最開心都係圍埋一齊講呀BM, 我地幾個成日都要一路行一路睇下佢響唔響附近, 因為我地都心知肚明, 如果佢見到我地, 一來會勁煩先啦, 二來就係又會發表佢果d唔三唔四既偉論. 唉, 真係煩都煩死仔. 所以, 我地臨走果時聽到佢話來舊campus果邊, 我地都即刻打左個突, 拿拿聲搵位匿. 唉, 做人做到咁, 我都真係唔知講咩好喇. :P
行完番來, 都累喇已經, 如果去行中大, 我諗真係會累死……
不過, 今日我地四條佬咁周圍走, 真係好鬼開心!!
仲有仲有, 多謝中醫班組爸組媽呀真係, 希望你地可以做埋我師兄師姐啦!^^
文章定位：
