2021-10-23 19:30:09| 人氣3,047| 回應0 | 上一篇 | 下一篇

23/10/2021

推薦 2 收藏 0 轉貼0 訂閱站台


因為月頭時間打風關係,所以我同阿沈本身約左個期就改到今日下午啦~!!
不過今日因為佢係需要返半日工,最終我地都係要搞到2:00PM先可以會合~!!

是次我地都係揀左去尖沙咀到食野,畢竟我地都叫做方便大家同埋易去呀~!!
我就上段時間出左去荃灣拎左車先再出去,始終稍後時間都係比較冇咁多時間~!!
趁住我自己仲有時間可以做晒堆要做o既事,不如就住個假期去完成所有野嚕~!!

至於我地今次見面都係講下佢結婚籌備事宜啦,同時又講埋下個月生日飯局~!!
事因下個月就到Andy同阿Ming生日喇,所以我地都要夾期準備去睇下邊日可以~?!
始終今次都係要就晒六個人D期嘛,可以盡量早D可以夾好個期都係預早做囉~!?

初步諗過應該要用咩形式去處理啦,但係我地都因為時間問題決定將佢地合併去搞~!!
淨係我同阿沈下個月D期都已經好忙喇,所以其他人D期係點都真係未知知數呀~!!
當然Andy同結怡D期就應該係相對較易處理。但係Kris就仲要睇下咩時間比較易就~?!

再者阿Ming又要照顧埋小朋友啦,呢個問題亦都係我地需要考慮o既問題之一呀~!!
而阿沈提及到話去party room到聚會其實真係唔錯,起碼大家都叫做可以輕鬆D啦~!!
至於我地都可以有個地方齊人玩下同食下野,就算傾計同埋一齊影下相都方便好多~!?

而有關於我感情事方面等問題,今次都有同佢好好去傾下兼聽下佢意見同埋分析~!!
畢竟我而家生活上都係比較多麻煩事呀,所以我先更加唔想呢個時候再加多D麻煩嚕~?!

台長: Ethan~
人氣(3,047) | 回應(0)| 推薦 (2)| 收藏 (0)
全站分類: 心情日記(隨筆、日記、心情手札)
TOP
詳全文