因為種種原因而已經都變到唔係好常見，不過每次大家生日點都會聚埋一次~！！
今晚就係預早同我慶祝生日所以一齊聚埋，同時呢次亦係歷年來眼淚最多o既一次~？！
本身諗住約埋上去Phoebe屋企到食下野見下就算，因為近兩年都係咁樣去渡過啦~？！
畢竟因為疫情問題都係有所影響，而且我本身都冇諗過話要好好陣仗去慶生啦~！！
近幾年開始都已經唔係一定有慶祝party啦，總之大家都係志在聚埋一齊傾下計~！！
家家有本難念的經‧。。。呢句說話可以帶出今日o既聚會徵結，亦真係好多心聲~！！
是晚我地去左荃灣西到食飯慶祝，至於宸排方面就係由Phoebe同司欣去處理啦~！！
究竟有幾耐冇試過呢個三人組合？可以將我地所有野到真係拎出o黎去講去傾~！?
小朋友問題同埋工作問題大家都會講下，不過今次已經唔再成為一個重點部份啦~？！
而健康同家庭問題反而真係令我地耐心去傾。事因今次連帶到唔少其他問題出現呀～！？
Phoebe話佢同Jacky之間再度出現問題，甚至令佢有再次去諗過佢地個婚姻問題啦～？！
原來早前又發生左一大堆事宜，而且矛盾位同死因又係同多年前出現過o既一模一樣～！！
為左小朋友成長當然唔想考慮到分開，但係佢話佢真係覺得兩人相處上出左好多問題～？！
至於司欣就憶起返種種改變，佢突然間覺得o係我地之間好似共鳴位係最少一個呀～？！
主因係佢過往日子真係擺得唔多時間去同我地相處。始終佢都曾經有段時間反叛過嘛～？！
但係佢慶幸自己可以及時回頭返左o黎，而我地都認同我地三個走埋係一種緣份～！！
究竟有幾多個真正朋友可以一齊去經歷咁多野？做知己點都係比情人長久亦係真架~！！
始終人大個左之後就會多左好多考慮啦，特別係兩人之間相處同埋價值觀等方面呀～？！
呢次真係可以話係我地近年內最深入o既一次，畢竟只有我地三個人而可以冇其他顧慮～？！
至於我就因為身體連番出左問題啦，所以我今次都有真正咁將過往時間o既野講晒~？！
當大家一齊諗返寺以前仲可以一班人一齊玩，其實都真係好開心同埋已經成為左回憶~？！
始終宜家好多人個狀況都已經唔同左以前好多啦，就算係我地自己亦都改變左唔少～？！
我地三個都真心覺得時間過得好快啦，慶幸大家依然仲o係自己身邊陪住自己呀～？！
稍後時間會計劃下又係我地三人出走一次，因為我地可以真正deep taik時間唔多嘛～？！
但係經過左今晚之後個感覺同埋體會又多左好多，所以我地都認同大家都係需要互相支持～！！
文章定位：
