２７／６／２０２６＠＊～Ｅｔｈａｎ’Ｓ　Ｌｉｆｅ～＊

2026-06-28 09:39:47| 人氣69| 回應0 | 上一篇

經過左好多日協調同埋一Ｄ問題，本身北上玩一日計劃都差D去唔成呀。。。

點知臨尾Raymond又突然間話可以照上，所以就按照返本身計劃上去食野同按摩～！！

我地去日本之前一段時間去左次之後，就已經要隔到今日先可以再上去啦。。。

其實身體好多位置都已經好累同好痛呀，所以上去搵師傅幫幫手處理下就好好多～！！

同平時一樣都係佢入到我附近就會合，之後第一站就係后海簡單食下就算啦。。。

及後就轉戰一齊去按摩啦，而今日亦都收到佢地告知新秀呢間店將會關店喇～！！

畢竟捱得過疫情就捱唔過通脹兼營運困難，而我地當然都係會去支持佢地呢間小店~！！

至於晚飯就返去后海o個邊食野啦，事因本身都已經諗好左同佢去試一間新野啦。。。

不過佢就話要預早同我慶祝生日，所以最終都揀左間唔錯o既餐廳去食海鮮呀～！！

當然呢間餐廳都係我一直想試o既，但係之前一直都希望可以多Ｄ人一齊去食嘛～？！

每次北上行程其實都係差唔多啦，所以我同佢都想計劃下之後玩三日兩夜啦～？！

畢竟多D時間先可以去多D唔同地方行下睇下，或者年尾時間搵次機會就一齊去下～！！

我要檢舉

台長：Ｅｔｈａｎ～

人氣(69) | 回應(0)| 推薦 (1)| 收藏 (0)
全站分類: 心情日記(隨筆、日記、心情手札)

回應(0)

＊～Ｅｔｈａｎ’Ｓ Ｌｉｆｅ～＊ 點滴是生命... 201愛的鼓勵 0訂閱站台