2021-05-15 18:28:46| 人氣195| 回應0 | 上一篇 | 下一篇

15/5/2021

推薦 0 收藏 0 轉貼0 訂閱站台


今日晏晝約左阿沈出去旺角到食lunch聚下,事因我地每月都會見下面~!!
其實今日我地都有講起阿Ming啦,大家都仲諗緊下個月約埋佢一齊見下~?!

至於我地今日見面主要都係講下工作事宜,同埋生活上最近有咩變化啦~?!
我地都認同係要真係見面傾計先有互動惺。同埋大家個溝通亦會好好多囉~?!

我地是次會面都有講到關於結怡o既事,畢竟我都想下阿沈o既睇法同意見~!?
始終佢地平日都係同一間公司做野,咁對於佢平日o既狀態點都會比我認知多~?!
事關結怡最近成日都覺得唔開心同埋好多野煩,所以待都想睇下係咪同工作有關~?!

一講到關於佢各方面問題同事宜,我地都各自有唔同觀感同埋想法講出o黎呀~!!
阿沈都認同結怡能力上比起我就絕對係一個極端,至於呢一點就連當事人都係認同~!!
在於我自己本身無論工作、生活同社交方面都比佢強,而佢就好多時都係力不從心咁~?!
咁當然我地兩個都認同佢都有唔少優點,但係偏偏就好多時候都係好似理解出問題~?!

阿沈反而就覺得佢地呢行的確係有好多限制,所以變左佢地對於話題上o既變化唔多~?!
但係我都同阿沈都有一種同感就係覺得結怡係想努力去迎合人地,所以會少左自己想法~?!
今轉其實好似係我地都好想諗辦法想幫佢,但係同時都覺得佢本身好難去改變咁啦~?!

我地食完野之後就o係新世紀入面行左一陣,及後就轉戰沙田繼續行街睇下野啦~!!
畢竟食下行下傾下都係令到今次會面感覺自然好多,而且大家都想一齊行下咁嚕~!!
行街o既時候講到要俾個咩感覺人地o個陣,就連阿沈都覺得識人o既第一印好緊要啦~!!

我地今次見面都有就住好多生活細節去講下,同時都傾埋好多人與人之間相處方法~?!
至於家庭問題o係埋尾食糖水時間都有簡單傾過下,但係我地都認同改變需要時間囉~!!
同時都需要睇下當事人自己諗法係點,究竟願唔願意去行多一步都係一個問題呀~?!

台長: Ethan~
人氣(195) | 回應(0)| 推薦 (0)| 收藏 (0)
全站分類: 心情日記(隨筆、日記、心情手札)
TOP
詳全文