台語連紲講20分鐘「講袂到」——欲按怎？＠Tong-îng 的台語人生記錄

2024-09-27 12:58:37| 人氣4| 回應0 | 上一篇

台語連紲講20分鐘「講袂到」——這若是事實，無論是:「無相信，毋敢相信！那會按呢？怨嘆！後悔！欲知早就按怎！-----」這攏袂赴矣。

事實就是事實，咱就面對！今仔日就開始來講台語！

有人會講：我工課的環境無適合講台語！無要緊，會當佇厝裡，對厝裡的人，對爸母，對囝兒，對較熟的人開始講台語！對家己會當控制的場合、環境，對象開始講台語！

而且一開始，一工至少用20%的時間來講台語！一直講落去、莫停睏，三個月後你才來看有效無！

「若有想欲做！」一工用20%的時間講台語，應該毋是困難的代誌！

頭起先用20%，講一段時間了後才沓沓仔來提懸，到尾仔的目標：當然是100%全時間的台語！

講台語、繼續講的同時，你著開始：學台文，看台文的文章，看台文冊，聽台文有聲冊、Podcast、Youtube，參加台語文的社團、面冊、讀冊會等等台語文的活動，當當你講台語拄著困難的時，就揣有人、有所在通請教！

講台語、捷講、tiû-tiû講、繼續講的同時，請你「用台語思考」！就是「頭殼進入台語文mode」！

（敢有聽過：講中（華）語的時，頭殼底是用「台語」思考的人？）

（240924Tong-îng）

我要檢舉

台長： Tong-îng Lîm

人氣(4) | 回應(0)| 推薦 (0)| 收藏 (0)| 轉寄
全站分類: 社會萬象(時事、政論、公益、八卦、社會、宗教、超自然)

回應(0)

Tong-îng 的台語人生記錄 人生一步一步的跤跡，用阿母的話一字一字寫落來！台灣人寫台灣字，天公地道。 0愛的鼓勵 0訂閱站台