水果摺盤 摺人日記之 ~宿舍篇~

10愛的鼓勵 0訂閱站台

sem break 0黎到宜家都已經過0左一半喇,原本想回顧下04年,不過一整年太長了,無心機打咁多字,咁就唯有寫下呢個sem break做過0的乜啦!!

========================================================================

1.sem break 開始無幾耐就約0左阿峰,拉叔同埋佢0的frds去大尾篤釣魚,原本想在75k中途站會合佢地,點知miss0左班車,咁唯有自己搭車去。我仲第一次去划艇仔釣魚(不過好死凍)

========================================================================

2.教會活動: 聖誕節期間教會活動連珠炮發。首先係平安夜0既報住音,我地一班教會0既弟兄姐妹齊集沐恩,之後將我地美妙0既歌聲同福音傳遍大埔;繼而就係聖誕節當日0既歌唱比賽,我地0既基甸團仲係大羸家添,而高潮位就0係'高矮肥瘦'組合,佢地唱歌真係好得呀;之後就係聖誕聚餐,雖然我無參加到,但之前0既準備工作我都有幫手,都算係咁啦;最後就梗係我地基甸團0既導師panda0既大喜日子啦,我地教會仲組成百人大詩班獻詩歌俾佢地一對新人,好彩都不負眾望。

========================================================================

3.<<陳慧琳紙醉金迷演唱會>>: 第一次親身去睇我偶像0既演唱會,心情怪怪的,不過都幾好睇。我眼光果然唔錯,哈哈。

========================================================================

4.音樂農莊大自然小領袖: 一如以往,聖誕節檔期我都有幫手做音樂農莊導師,今次我仲帶0左兩位好同學兼同房一齊去做添。唔錯呀,都好好玩,又'他條',有0的小朋友又可愛(0係小朋友身上好似尋回以往0既優越感),不過就無乜0野食囉。你地兩個都有進步空間,以我作為目標啦,好快就會成功0架喇~~!!

========================================================================

5.safety training: 都唔知咩鬼training,日日都訓覺,唔係就睇雜誌,不過都好,又可以吹水,0的test又鬼咁易,一0的難度都無呀~~!!

========================================================================

展望餘下落0黎sem break0既時間可以玩得更放更開心

黃皮