第一套係munich, 套戲好明顯都係拍黎為左拎o下獎, 靚仔男主角, 拍過troy. 扮steve o既係英國型男, 之前拍過enduring love. 扮robert o既係來自法國, 天使愛美麗男主角mathieu kassovitz, 見到佢有份做都好開心. 全片o係歐洲唔同城市取景, 每個主角都被悉心打扮過, 去到paris, 男主角即刻帶晒畫家帽咁, 實在太過明顯. 不過套片用唔同角度去睇o個件事, 比到d唔同dimension觀眾, 作為行刺者內心o個種矛盾同掙扎, 男主角都做晒比你睇, 近尾聲時, 男主角同老婆肉搏時腦入面係o個幾個猶太運動員被殺情景, 呢幕真係好odd, 唔知笑好定比咩反應好. anyway, 全片message, 最後都講得好白, 就係仇仇相報何時了呢. 套片係拍得好有心機, 但係唔係我中意o個類戲.
第二套係brokeback mountain, 關於兩個雙性戀男人o既苦戀故事, 我成日想像, 兩個passionate o既男人走埋一齊, 一定會愛得轟轟烈烈. 李安話人人都有一個斷背山, 我覺得意思唔係不為人知o既慾望, 而係一片無憂無慮, 令你可以暫時逃離現實o既樂土, 逃過世俗o既眼光, 一個只可以容納兩個人o既避難所, 一個重拾少年時青春o既地方. 最窩心一幕係jack講話想離開佢, 但做唔到, 而ennis話因為jack, 自己先變成咁. 最動人一幕係jack過身之後, ennis入左佢間房, 睇到jack留住佢件衫, ennis衣櫃背後掛住一件襯衫, 一張brokeback mountain o既postcard, 好柔情話 i swear... 嘩, 真係唔洗講咁多, 全套片佢地都冇提過個"愛"字, 男人始終係男人, 呢d野唔洗講出口, 一套細水長留淡淡然o既電影, 我幾中意.
第三套係gloomy sunday, 又一套兩男一女, "嬲"字電影, 女主角ilona真係好靚, 但冇"祖與占"入面catherine o個種任性, 冇the dreamers入面isabell o既狂野, 但自私得黎又多左份innocent o既感覺, 反而兩男主角令我印象深刻, 有時男人之間o既情義, 真係女人永遠比唔上, 識英雄重英雄, laszlo欣賞andras o既音樂才華, 助佢一把, andras感激laszlo o既大方, 默默努力演奏好音樂, 為laszlo o既餐廳帶來好生意, 兩個男人尊重對方o既存在, 願意同人地分享一個女人, 有一幕係ilona訓o係草地, 攤開雙手, 兩個男主角依附o係佢身上, 構成左一幅好靚o既圖畫. 不過我都唔識形容, 呢d叫大方, 定係犯賤, 定係on居? 睇完套戲, 我對於andras o既死可能仲有d耿耿於懷, 唔知點解琴晚夢到o個一幕. 我永遠對淒美o既野有種迷戀, 聽o下billie holiday o既gloomy sunday.
文章定位：
人氣(12) | 回應(0)| 推薦 (
0)| 收藏 (
0)|
轉寄
全站分類:
不分類
