新聞台成立左都有一段時間.. 係時候介紹下我d朋友, 戰友.. 同埋我隊波 - Technical足球隊...
Technical由我地馬鞍山成班朋友組成, 成班朋友組自小認識, 有d小學認識... 有d就中學認識...... 宜家等我為我既朋友作個介紹先~~
4號仔肥超:中學時認識,司職龍門或後衛,為人沉實!
6號仔馬哥:中一時認識,司職後衛, 為人率直認真, d英文仲好勁tim~
7號仔陳龜:Cowboy細佬, 小二時認識,司職後衛或防守中場, 踢法好硬朗!
8號仔Sodi:中二時認識, 司職進攻或防守中場, 隊中靈魂, 為人同踢法都好積極!!
9號仔臭周:中三時認識, 勝任前中後(好全能呀你), 隊中主力兼隊長, 踢法全面, 我最難忘同佢中三時嬴得校內足球比賽金牌!!!
10號仔豬肉:中一時認識, 司職中場或前鋒, 技術型球員, 扭呀扭~
11號仔Robbie:中二時認識, 司職防守中場, 沉默; 冷靜型球員!
12號仔大雞:小學時認識, 司職左後衛, 肥仔型球員! 哈哈~
14號仔國寶:中一時認識, 可客串任何位置包括龍門, 為人幽默!
15號仔輝文:中二時認識, 司職中場, 喜歡扭波同拖慢球隊節奏! 嘿~
18號仔Dreyer:中一時認識, 司職左後衛或左中, 係隊中最較正宗既翼鋒!
19號仔Dodo: 中一時認識, 可客串任何位置包括龍門, 崇尚快樂足球~~
20號仔Turbo: 小二時認識, 司職前鋒, 係全隊最高既球員~
21號仔蛇仔(即係我呀): 我打前鋒或後衛, 偶有佳作架我!! 屬於火爆型球員!!
22號仔朱傑: 朱連細佬, 司職後衛, 後生可為!!
28號仔朱連: 中四時認識, 司職中場, 中場keyman, 隊中策劃人!
Technical足球隊響2003年衝出馬鞍山... 參加左出面既石地王7人足球聯賽... 雖然截至今日仲未打開勝利之門(7戰1和6負)... 但表現愈來愈好... 我希望球隊繼續努力!! 以勝利激發起Technical足球隊既精神!! 我愛Technical!!
史提芬在此與各朋友兼隊友互勉!!
Technical足球隊中響石地王聯賽既小統計:
射手榜: Sodi(4球) 臭周(2球) 豬肉(1球) 輝文(1球)
黃牌: 我蛇仔(2張) Turbo(1張)
紅牌: Sodi(1張)
文章定位：
