24h購物| | PChome| 登入
2004-02-02 17:49:28| 人氣51| 回應0 | 上一篇 | 下一篇

如果日落西山燈光普照麻木了, 蒙住這雙眼令黑夜再來

推薦 0 收藏 0 轉貼0 訂閱站台

今晚又係一個唔訓既晚上

唔係因為打機, 唔係趕功課, 唔係讀書, 而係冇心情訓.

訓覺可以令你暫時唔記得一D你唔想記得既野. 不過我反而想留住佢, 好奇怪咁去犯賤, 自虐. 因為係人面前記起自己唔開心既野只會更加令我煩. 諗早D可能可以忘記耐D.

可以咁講, 冇人會明白你做乜撚野失驚無神唔講o野. 如果我低能D既, 當人問我做乜, 我可以爆句, "我心情唔好呀,仆街. 你知唔知你真係好撚煩呀. 死撚開啦, 屌!" 可惜小弟沒有此能耐對人爆粗.

呢到係一個陌生既地方, 就算俾我住十年, 我間宿舍都唔會夠陳生, 李生, 何生, 謝生, 梁生間房, 甚至梁小姐屋企樓下更有親切感. 人, 俾我識多十年, 亦都唔會俾呢班豬朋狗友兼老婆更加有愛心.

亦都可能有一個人會聽我講廢話, 只不過係我唔多敢太過去投入. 只怕又錯誤咁拋身去一段冇終點既馬拉松. 人對我好, 搵我, 又點, 我又咪當人狗咁, 你叫我呀, 心情好咪理你囉, 心情唔好呀, 你最好唔好搵我. 可能只不過係驚多過懶.

講緊o個個人好明顯係個女人, 有波有囉o既100%女人. 而我, 就係一個有"間歇性不懂如何和女人做朋友兼不踏過朋友界症"o既中國籍男子. 你可以話我驚女人, 我認, 不過你唔可以話我基, 因為我仲睇三仔兼對正常o既異性有幻想.

溝通能力變成咁, 我都俾唔到個原因俾你. 你自己去搵出我既溝通歷史, 然後再研究啦, 因為我都唔知自己呢兩年半o黎做過乜. 你可以話我大個左, 不過我唔會明你講乜撚o野.

化唔化, 係唔化架啦. 人命一條, 我玩, 你玩, 佢玩, 人人都玩, 我就玩到變左o舊屎出黎, 好唔好o野先?

峰爺講得o岩, 同自己講真心話既又會有幾多個? 又沙士, 又禽流, 又自殺式炸彈, 又恐怖份子, 平時果d人為既唔駛講, 你知你下一秒會有咩事嗎? 講得就講啦, 唔好等. 講句多謝, 講句我愛你都好, 至少可以體驗下身邊既人o既存在都好嘛.

好耐未試過講咁多廢話, 我諗我應該o黎多D.

唔駛驚, 我冇自殺傾向, 我隨時比睇緊呢段垃圾既你更加長命(望有七十), 所以大家放心.

喂, o黎多D啦喎兼俾下意見,唔該各位英雄, 如果唔見有新o野既可以媽叉我.





認真o既.

我要檢舉
台長： 豪宅
人氣(51) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文