（續）
上回講到，若你是我，你仍會堅持這個”十二日內跨越南北越火車之旅”嗎？
其實只要懂得計數，知道什麼是”機會成本”，理性的人都不會堅持這個行程，原因只有一個，就係；
時間唔夠！！！
一係：只乘火車到廣州，在年假開始前，與”春潮”的人迫個你死我活；然後感受一下"廣州"在年初一至年初七，各間舖頭閉門，而市面水靜河飛的感覺！
但...這樣的行程無聊同時，申請了的越南簽証，就此變成垃圾！
一係：無無聊聊到廣州，碰碰運氣，看看能否在各位趕返家鄉的”春潮”外勞手中，炒到兩張火車飛到南寧，然後又再碰碰運氣，多炒兩張到河內，然後立即節返回港...
但...這樣的行程，鐵定要放棄到達西貢：一個我最想逗留的越南城市...
最後...最後如何？
當姐姐企硬，一昧堅持要以陸路進入胡志明市這個MISSION IMPOSSIBLE 的方案時，我向她提議了第二方案：
”不如撘飛機去越南啦，好嗎？”我問！
”下？撘飛機？嘩～～同你去越南，你當正自己參加康泰ｄ豪華團呀？”姐姐不滿地答！
”喂！唔係豪唔豪華團呀，係十二日內用陸路去胡志明市然後折返，跟本係mission impossible丫嘛！縱然俾你行曬運，炒到黃牛，買到曬所有既火車飛，去到胡志明，但車程都用左十日啦！唔通河內留半日，西貢留半日，然後叫做explore左個越南呀？”
”我揀得撘火車去，條路程本身就係旅行既一部份，我唔介意留0係越南耐ｄ架？”
”但係我唔得丫嘛！我最最最遲，都要0係二月五日前返到香港！因為二月六就開課架啦！”
要知道我們是在城市中生存的人，能在工作期間，得到十二日假期，已十分難得！但十二日不竟是十二日，若夾硬將一個要以二十日才能完成的行程，縮短在十二日內進行，其實這趟旅行，去與不去，都與走馬看花無異！
”不如先撘飛機去河內，留四天，然後乘火車到胡志明市，留四天，最後在西貢乘飛機返港好嘛？”我建議道.
”撘飛機去？我真係唔想話俾人知我去越南，係要撘飛機去架lor..."姐姐最後輕輕的道.
但沒辦法，在妥協之下，這個乘飛機，同時乘火車的方案，似乎是最佳的旅遊方法...可惜的是...
”小姐，有咩可以幫你？”
”同我睇下由25/１去河內，5/2由胡志明市返香港，最平既機票仲冇位？”
”等等呀小姐，要買飛住河內，但由胡志明市返的機票嗎？公司沒有這樣的package喎...你等我睇下先..."旅遊agent答！
”冇？”我問！
”冇呀！亦冇人咁買lor...唔...小姐，不如你揀埋同一個城市出入丫，機票會平ｄ！去係胡志明市既話，又再平過去河內..."
"咁即係幾錢?"
"小姐要25/１去5/2返嗎？冇機位喎...不如28/１去4/2返丫，呢兩日去胡志明市同返香港既飛機都仲有機位...小姐係咪一定要呢兩日返丫，因為七日內來回既機票，又再平ｄ..."
"下... 咁呀...咁掙幾多呀即係？”
”掙千六蚊到！"
”嘩～～掙成倍？28/1去4/2返，去得8日，買張機票係去7日既成倍呀？”
”係呀！咁小姐想買邊張機票？”agent問...
最後...最後如何？
最後，我們便決定了買由29/1去3/2返，往來胡志明市的七日來回機票！
冇計啦，呢張機票係全成最平，我地銀根有限，點都要睇錢份上，同”機位”妥協...
而今個農曆年既旅程，亦由好fascinated既ayp金章級越南火車之旅，變成撘飛機到胡志明市，backpacker，住十蚊美金hostel的豪華自由行...
唉...人生多變掛...當故事開首前，大家都冇諗過故事既結果會係咁...
去西貢七日...希望真的能看到一些能令人fascinated 的事啦！（如見識下越南既tet festival 咁...）
文章定位：
