最近，朋友問我忙乜，我都會答：「最近忙於打欖球。」
「欖球？」一項對大眾女士都感到陌生的運動。
「係呀！好好玩架！一齊玩吖。」
通常，朋友未問到第二句，我都好主動立即邀請對方，一同加入球會打欖球。（原因？因為自己加入的球會，比賽時，總係唔夠人。 每到星期六，如果要打10s及15s，在人數不足的情況下，隊中總有八至九人，每次都要打足兩場比賽，意即：要走足120分鐘。）雖然我唔介意逢星期六去跑兩小時，但這亦証明球會實在要招新血。
最搞笑係，每當我邀請女士加入欖球隊時，對方既回應，來來去去都係：
1. 「嘩！實俾人撞死啦！我咁瘦！」（言語間表現自己「弱不禁風」）
2.「唔係唔打，不過有冇d係唔撞架？」（言語間表現自己好怕同對方有身體接觸）
3. 「係咪打欖球既女仔，全部都係男仔頭黎架？」（言語間透露自己極度恐同。）
4. 「係咪因為打欖球，打到你咁既身型呀？」（言語間踐踏對話者身型）
相對空手道，大眾對「打欖球女士」，似乎有更多的「想像」。仿似所有打欖球女士，都係天生「孔武有力，虎背態腰，男子頭，喜好充當火車頭去撞人咁。」（老實講，你遇過多少個這樣的女士？就算在水準不俗的欖球隊中，也沒有多少個這樣「強悍」的女士。）
情況，就如同七十年代港產片，編導對上Gym 房練肌肉的女士，描述極度有偏見。每次寫「做weight training的女士」 時，總會形容她們猶如怪物一樣可怕。（但實情係，「做weight training 的女士」只係等於「做weight training 的女士」。不知怪在那？）
當年的編導，對「練肌肉」女士有「特殊」描寫，相信與編導本身對「女士」這種動物，存有根深蒂固的偏見有關。（簡稱：性別定型。）
至於，在道場內，不時有白黃帶師妹，邊練鐵拳，邊問：「我可唔可以只係學套拳，唔對打呀？我好驚呀！」（言語間透露自己係受保護小鳥）
我答：（ 師姐腔）係，對打練習係好「得人驚」，但要克服「驚」呢個心理，正正就係學習空手道要學習既一部份黎。所以「驚」，你都係要學架。
至於學習欖球，其道理亦相同。要學習如何克服，對手拿著欖球，高速向你跑來時的「恐懼」，正是欖球好玩的地方。
（可幸的是，我們的對手永遠不是男士，不然真的會被「撞死」。）
至於，是不是每位「打欖球的女士」都如同大眾想像中：「孔武有力，虎背態腰，男仔頭，喜好充當火車頭去撞人」？那只有你加入了欖球隊後，了解她們，便可略知一二了。:)
女子欖球隊，賽後於酒吧內飲酒
女子欖球隊賽後留影
文章定位：
