彩 雀 汪 紹 芬 襯 衫 染 髮 煩 到 嘔
歲 月 風 雲 五 人 誌 ： 鄧 萃 雯 靚 太 唔 易 做
無 論 是 《 金 枝 慾 孽 》 中 的 如 妃 ， 還 是 《 師 奶 兵 團 》 中 的 蒙 嘉 嘉 ， 鄧 萃 雯 均 演 得 手 到 拿 來 ， 偏 偏 她 卻 被 《 歲 月 風 雲 》 中 的 汪 紹 芬 一 角 難 倒 。 為 配 合 劇 情 所 需 ， 雯 女 經 常 要 悉 心 打 扮 ， 結 果 穿 高 踭 鞋 行 路 行 到 腰 痠 背 痛 ， 記 連 戲 服 及 配 飾 記 到 一 頭 煙 ， 加 上 經 常 駁 髮 染 髮 極 難 打 理 ， 令 雯 女 拍 攝 初 期 十 分 (疒孟) (疒曾) ， 更 揚 言 今 次 是 拍 劇 以 來 最 大 的 考 驗 。
鄧 萃 雯 在 《 歲 月 風 雲 》 中 飾 演 富 家 千 金 出 身 的 汪 紹 芬 ， 嫁 給 苗 僑 偉 飾 演 的 華 文 碩 後 ， 也 一 直 過 着 無 憂 無 慮 的 少 奶 奶 生 活 ， 直 至 二 人 離 婚 ， 她 才 開 始 努 力 工 作 ， 開 拓 充 實 的 美 好 人 生 。 雖 然 角 色 發 揮 上 對 雯 女 可 謂 沒 有 難 度 ， 但 她 卻 形 容 今 次 是 從 演 多 年 以 來 最 辛 苦 的 一 趟 。
雯 女 說 ： 「 今 次 部 劇 我 成 日 要 扮 到 彩 雀 咁 ， 場 場 戲 着 3 、 4 吋 高 踭 鞋 ， 行 路 行 到 我 腰 痠 背 痛 ， 每 次 開 工 要 帶 一 大 堆 飾 物 同 手 袋 配 襯 ， 又 要 連 戲 ， 淨 係 事 前 影 低 每 套 衫 襯 邊 個 手 袋 、 邊 對 鞋 ， 同 邊 啲 首 飾 呢 啲 連 戲 相 ， 已 經 影 咗 幾 本 ， 真 係 好 煩 。 」
染 髮 甩 色 尷 尬
原 來 拍 攝 《 歲 》 劇 初 期 ， 雯 女 更 因 受 髮 型 問 題 困 擾 十 分 (疒孟) (疒曾) ， 她 說 ： 「 每 次 set 頭 set 幾 個 鐘 ， 又 要 駁 髮 又 要 染 髮 ， 隔 幾 個 月 頭 髮 長 咗 ， 又 要 拆 咗 重 新 駁 過 ， 拍 呢 部 劇 7 個 月 以 來 ， 我 未 好 好 洗 過 一 次 頭 ， 因 為 怕 抓 得 太 大 力 ， 啲 駁 髮 會 斷 。 不 過 最 慘 都 係 染 髮 ， 我 個 頭 要 染 紫 紅 色 ， 染 完 之 後 係 咁 甩 色 ， 屋 企 啲 枕 頭 袋 同 毛 巾 都 變 晒 紅 色 。
「 去 到 內 地 拍 外 景 住 酒 店 ， 執 房 啲 人 見 到 我 用 過 嘅 毛 巾 枕 頭 袋 變 晒 紅 色 ， 唔 單 止 尷 尬 ， 仲 好 唔 環 保 ， 因 為 啲 白 毛 巾 染 咗 色 之 後 洗 唔 甩 ， 酒 店 啲 人 會 掉 咗 去 ， 所 以 我 要 同 執 房 啲 人 講 唔 好 掉 ， 留 番 畀 我 替 換 ， 反 正 我 啲 頭 髮 會 再 甩 色 。 仲 有 就 係 ， 我 最 怕 拍 落 雨 戲 ， 我 堅 持 一 定 要 擔 遮 ， 如 果 唔 係 就 會 血 流 披 面 好 恐 怖 。 」
儘 管 造 型 上 問 題 多 多 ， 雯 女 仍 為 有 機 會 跟 一 班 好 戲 之 人 合 作 感 到 開 心 ， 對 一 些 佔 戲 不 多 但 有 實 力 的 演 員 尤 為 讚 賞 ， 如 飾 演 其 弟 汪 紹 良 的 陳 國 邦 便 是 其 中 之 一 。
大 讚 弟 弟 出 色
雯 女 說 ： 「 我 覺 得 阿 邦 同 飾 演 我 爸 爸 嘅 劉 江 叔 好 正 ， 佢 哋 好 有 家 人 感 覺 ， 我 曾 經 同 阿 邦 講 過 ： 『 有 付 出 努 力 就 會 有 人 睇 到 。 』 一 部 劇 裏 面 唔 係 個 個 都 係 一 線 ， 做 演 員 要 一 直 唔 灰 心 ， 真 係 好 唔 容 易 ， 我 見 到 有 好 多 演 員 好 用 心 ， 但 佢 哋 唔 係 主 角 ， 所 以 自 己 可 以 做 嘅 ， 就 係 畀 多 啲 鼓 勵 同 支 持 佢 哋 ， 今 日 你 畀 多 啲 支 持 人 哋 ， 他 日 人 哋 好 嘅 時 候 ， 又 會 畀 多 啲 支 持 自 己 。 」
採 訪 ： 戴 彩 煥
攝 影 ： 陳 志 嵐
髮 型 ： Michael Lam of Hair Culture
服 裝 ： Paule Ka
場 地 ： 奧 海 城
鄧 萃 雯 指 演 出 《 歲 月 風 雲 》 ， 是 她 從 演 以 來 最 辛 苦 及 最 大 考 驗 的 一 次 。
拍 完 《 歲 》 劇 後 ， 雯 女 笑 言 第 一 件 事 是 痛 痛 快 快 地 洗 頭 。
拍 完 《 歲 》 劇 後 ， 雯 女 笑 言 第 一 件 事 是 痛 痛 快 快 地 洗 頭 。
雯 女 表 示 為 了 記 連 戲 服 及 首 飾 、 手 袋 等 配 件 ， 令 她 深 深 體 會 到 闊 太 唔 易 做 。
跟 苗 僑 偉 拍 這 場 淋 雨 戲 ， 雯 女 笑 言 若 沒 有 雨 傘 擋 雨 ， 一 定 會 染 髮 甩 色 如 血 流 披 面 。
劇 照
雯 女 對 於 在 劇 中 飾 演 其 弟 汪 紹 良 的 陳 國 邦 （ 右 ） 十 分 讚 賞 。
文章定位：
