今朝六點幾訓，九點幾撺左身，一直踩到而家...精力旺盛呢?!
成日流流長，去左邊度?
哈！咪就係去左山頂既凌宵閣lor...今日真係好開心呀！
本來都係諗住呢排做野做得咁辛苦上去散下心，relax下！點知原來呢個選擇係好明智gar...搭15B由銅鑼灣上去山頂，中途有少少暈車浪，不過都ok撐得住~
一上到去就買左個芒果朱古力雪糕班Cake食！我仲叫個Sales落重芒果肉&朱古力醬比我呀！勁好味！多謝$28！
不過山頂好大風呀！凍死人...不過好彩我著左兩件冷衫，唔出去吹風都仲未覺得凍！^^haha..
之後無意間睇到蠟像館有學生半價優惠($55)，於是就入去行下，因為都幾想以低價去睇下裡面既蠟像有幾真。未入去之前，門口有個戴安娜皇妃蠟像，唔好講笑，都幾鬼真！我近距離望住佢耐少少都有D心寒...
入到去館裡面第一個就係楊紫瓊，佢個樣就爭D啦...唔係好似真人。之後係成龍，佢個樣就真過楊紫瓊，不過都係一般。跟住之後都係Hollywood既大明星，個個都整得好鬼死似！連我好鐘意既Cher(雪兒)都有呀！佢係做"愛登氏家庭"裡面既媽咪！唔知你地記唔記得佢，我就好鐘意佢啦！個造型夠神秘同恐怖！
然後就見到Brad Pitt，曉治格蘭等等既大明星蠟像，個個都有八九成似呀！如果夜晚叫我一個留係鰟度，我實嚇死都似...最正都莫過於見到碧咸啦!!!雖然我本人就唔鐘意碧咸，但咁多個蠟像之中，佢都算做得九成九似！硬係啦！萬人迷wor..個個影完都實比人睇，整得唔似點得呀?!我當然有同佢影相啦！唔小心D睇都唔知同我影鰟個係假碧咸呀！^^haha...我都影到好似真係同真既碧咸咁款，勁開心鰟隻！
之後都有唔少其他領導人(布殊，鄧小平)，名人(莎士比亞)等等既蠟像，最恐怖係中途當我同一個蠟像影緊自拍照時，突然有一隻勁肥美既大鯝鯴係個蠟像度行出黎！嚇到我成個彈撺！痴線gar!!走隻咁既野出黎！冇病呀..?我仲係要全身烏落個蠟像度...我仲即刻影低左隻野!!用閃光燈嚇死佢!!!閃左佢三野呀！^^haha...死未?!今日我估影左都有成百張相！
最驚就係入左一度地方，鰟度係仿照以前既外國人點樣折磨犯人既酷刑...我之前睇完"受難曲"都比D恐怖場面嚇到死死下，今日見到呢D都好彩撐得住，撺碼唔會好似片中既耶穌咁血淋淋呀...我真係驚gar...
今日四點幾上到去山頂，食完麥當當大約八點到就返屋企睇電影金像獎。最後係蠟像館用左$90買左張同碧咸影既大相走。張相咁靚又咁貴，我緊係放係我間睡房度啦！^^heehee...今日真係好開心呀！真係好難忘既一日！
文章定位：
