前兩日因為早左上床，所以冇寫度日記...(唔代表早左訓覺!)
尋日(3/4)係我媽咪既生日，我同呀妹之前鰟日諗住偷偷地幫媽咪攪個小小生日Party比個Surprise佢啦！今次既攪手係呀妹，我主要係Consultant~哈！點知...
2/4：呀妹先先拎哂Mummy既餅咭(超醒!)去左美心西餅換左個楊枝甘露蛋糕，諗住夜晚食完少少飯就拎出黎比Surprise媽咪。平時媽咪又唔係食好多野，我地諗如果我地食少D飯應該冇問題，點知Mummy唔知做乜鰟晚裝鬼咁大碗飯！我同呀妹傻左咁望住佢碗野，跟住好緊張咁問："Mummy！你做乜食咁大碗飯呀?!唔好食咁多啦!" Mummy話："嘩！我今晚唔知點解好肚餓！唔通唔駛食咩?" 望住佢一啖一啖咁爬，我同呀妹好無奈...咁個蛋糕點算呀..?仲食得落咩...?
食完飯之後，呀妹就好緊張咁係雪櫃'碰'個Cake要黎準備比Surprise媽咪，點知我個Mobile突然間嚮，都幾攪笑，攪到呀妹行行下出黎時又要入返廚房，好無奈咁一個人'碰'住個蛋糕等我...^^haha...
蛋糕一出，Mummy好開心咁望住個佢，然後發現有六枝蠟燭係上面，就問："下?我邊有60歲呀?" 跟住呀妹話："哎橥！差少少之嘛！得啦..." 媽咪苦笑...然後大家好開心咁唱生日歌同切蛋糕，食左3/4個..!
就係呢個時候，我地發現媽咪原來約左D朋友第二朝晨早打麻雀諗住打到夜晚！嘩！我地偷偷約左契爺契媽7:00pm食晚飯gar...-__- 唯有向媽咪從實招來同媽咪講："Mummy..你聽晚可唔可以打到6:30pm呀..?我地約左契爺佢地七點係太子食晚飯呀..."
最後尋晚食完飯之後，媽咪返歸先，我同呀妹去左Causeway Bay既Paris Cafe飲野，再去合發茶餐廳食野攪到兩點幾先"打的"返屋企。臨上樓之前係樓下門口講電話講左十幾分鐘，驚入左lift之後Mobile收唔到，但其實都幾驚，因為夜媽媽又黑又凍，我又見到不遠處有班男人傾緊計，驚驚地...於是都係返上去先傾！今朝六點幾訓，九點幾十點就彈左撺身！媽咪D電話好煩...攪到我訓唔返...不過好彩都OK精神wor！勁！
文章定位：
