2005年2月9日 星期三 年初一
今日一家人去o在大舅父到拜年,已經好耐無試過一家人去拜年lu,自舅母有病以來,今次係第一次見到佢,佢成個樣唔同o在好多,D頭髮無曬,瘦o在好多......當表哥話要走先時,我同大哥也跟著一起走,記得走時,媽咪講的一番說話,"佢一D都唔跟我o既,成個男人婆,由細已經好獨立",這就是媽咪眼中的我,的而且確,我一D都唔跟阿媽,我好少同佢一齊行街,買衫,好多野我都係自己or同朋友一齊,事實上.我又真係幾獨立,細細個,已經係自己起身,換校服返學,書包都係自己執,唔需要阿媽同我對功課,當大少少時,都係自己一個人返學,放學,所以亦造成自己去面對問題......
到大個o在,有時看見人地的爸爸媽媽點照顧佢地時,先知道原本自己也渴望被爸爸媽媽照顧啦!!但係不竟以這種方式生活了咁多年,即時想也不懂如何表達,所以,我不懂如何向人撒嬌,因為在我從小的觀念就是自己的事自己去作,人大了,認識自己愈來愈多時,會明白到自己的一些的習俗,性格,諗法是如何被小時候,爸爸媽媽影響啦!!
其實,我知道神真係好愛我,好錫我,祂的苦心...信仰以及人生上面對著一個樽頸位,我需要時間去想通,面對呢D的矛盾,我明白我需要放下自己的執著,我需要開放自己,讓別人可以進入我的內心去了解我啦!才能好好的去事奉祂,多謝祂在不同的時間裡預備小天使起我身邊同我說話,讓我感受到神一直沒離開我,讓我感受到祂係同我一齊去面對我的困難,祂是明白我的感受,心情上的矛盾,呢段時間真係一都唔好受,往往面對改變,變化時,總要經歷這一切,才能成長
多謝你,當我常常覺得孤單時,你告訴我身邊我係有好多人關心我,愛我,我其實係好幸福啦!多謝你應允我的禱告,讓我無論在理智上,情感上都接受一切,並且對你的預備有著信心,讓我在這段日子可以專心在其他事上,多謝你,是的,我願意為你擺上更多,因為沒有你,沒有今天的我
文章定位：
