內心世界~ 我只是一個平凡的女孩子;(愛玩、愛購物、愛扮靚) 喜形於色, 開心會笑, 唔開心會喊, 直接簡單~ 唯一不同係因為得到你的寵愛, 才會令我變成萬千寵愛在一身的小公主!! ^^ **2011兔年快樂呀!!** 新既一年, 我家多了二個新成員.....貓貓叮叮, 同貓貓藍藍!!

640愛的鼓勵 0訂閱站台

10/5-2583

尋晚打打下blog唸起, 叮叮藍藍4個月大啦!! 差點唔記得喂杜蟲藥, 睇番貓舍上次記錄上次喂藥係4月2日, 如今都10號應該要食藥啦~~ 但係一聽見食藥, 相信我仲驚過佢地.......因為要一邊手打開佢地把口, 另外一邊手就要塞粒藥落佢地口中.....有點難度呀~ 而貓舍個女仔講, 粒藥比較大, 幾難喂。 但係唸無可能湊佢地返北角食藥?? 而且每月一粒食到六個月大為止...............所以點都要克服!!

聽貓舍女仔講早早準備定喂藥針, 診所護士亦都有教點用~ 好啦...........等我試試~

先將粒藥分半, 貓舍女仔講食一半就可以, 相信佢地未肥到有4kgs.........之後著圍裙+手袖, 保護自己! 先挑戰曾經食過藥既叮叮先~ 好明顯...佢對支喂藥針好驚點都唔敢張大個口.......不過我都唔弱, 夾實同佢博過..........過一陣粒藥已經係佢口中, 之後幫佢掃喉嚨, 確保粒藥成功喂到為止...........

跟住到藍藍, 夾實佢之後, 過程快到唔敢相信, 二下已經成粒藥食左....... 乖到唔敢相信~~ 初初以為佢難對付, 點知...............勁easy~ 哈~~ 超開心呀~~

希望下次, 再下次一樣咁順利啦~~

另外剪指甲, 洗耳仔, 哈哈哈............難唔到我囉~ 一個人都handle到..........相信下次挑戰就係做desex手術, 仲有想真真正正用花灑沖涼~~