內心世界~ 我只是一個平凡的女孩子;(愛玩、愛購物、愛扮靚) 喜形於色, 開心會笑, 唔開心會喊, 直接簡單~ 唯一不同係因為得到你的寵愛, 才會令我變成萬千寵愛在一身的小公主!! ^^ **2011兔年快樂呀!!** 新既一年, 我家多了二個新成員.....貓貓叮叮, 同貓貓藍藍!!

640愛的鼓勵 0訂閱站台

5/3-2517

貓貓降中毒太深, 連九龍灣都照去, (坦白講最討厭咁遠既地方, 無論係西鐵轉地鐵 or 搭巴士, 都係麻煩, 左轉右轉, 長途車兜兜兜)..............憎~ 可惜上網見人介紹pet max話什麼全港最大寵物店, 可以帶貓貓狗狗入場, 好似幾得意, 咪去望望囉!! 結果超失望.................

大鄉里出省, 搭錯車去左mega box望望唔係, 跟住成個傻婆咁問人點行去九展.......好!! 行足10mins仲要有一段路仔行錯添, 好彩遇到好心人教路~~ 成功去到..........

唔知仲咩上左2樓, 去左一個mainland團集中地, 全部人都講煲冬瓜, 猛sale什麼藥膏, 什麼藥好勁, 仲要有入無出添......幾恐怖~~ 好彩....行番出入口見到部lift, 終於去到pet max......

無錯, 都幾得意, 入面有好多狗狗陪你行街街, 見到隻mini松鼠仔, kwaii呢.........仲忍唔到手去掂佢添呀...幾想一手拎佢返屋企........得意到佢.........^^ 不過入面既東東就暫時未岩我, 事關一心唸住買靚靚既貓貓用品, 唔係食品........最大收獲係見到有貓砂, 仲要平過貓舍好多.......不過我都知道貓舍買咩都貴過出面架啦!! 只係第一套唔知用咩品牌先要買......之後可以出去格價, 做個精明既消費者.........

朋友話得番一個唸住叫我唔好買, 不過是但啦!! 貓貓既野太多啦........下個月佢地就返屋企, 買得一樣就一樣, 無可能咁遠來到咩都唔買嗎?? 糧盒一定要買, 要防潮嗎.......而且iris個品牌都ok~~


消毒粉$30, 平過貓舍好多呀!! 所以入貨......見有效期到2012年........唸將來都會日日用........事關佢個主人仲潔癖過佢地..........間屋應該會保持到未有佢地之前咁乾淨, 放心啦!!




Piago見好多人圍住買野, 入去望望..見到$11個box都唔錯, 可以放貓貓梳, 剪刀等等既東東....

今晚好想食牛, 好想食牛角, 可惜拎位既時候o左咀......宜家叫到5號, 手上張飛係54號, 無錯聽, 無睇錯, 行埋piago返去都係叫到7號.......short架.........最後朋友都算好人, 陪我去打邊邊, 都有牛食........仲要食足二碟, 發牛狂呀!! 因為真係超鍾意安格斯肥牛.......細細舊好好味.........全晚有牛同菜我就滿足架啦!! 不過....打邊邊好貴............

豪番晚啦!! 真係忍口好耐...............哈~ 下次一定要訂位去食牛角.........哼!