內心世界~ 我只是一個平凡的女孩子;(愛玩、愛購物、愛扮靚) 喜形於色, 開心會笑, 唔開心會喊, 直接簡單~ 唯一不同係因為得到你的寵愛, 才會令我變成萬千寵愛在一身的小公主!! ^^ **2011兔年快樂呀!!** 新既一年, 我家多了二個新成員.....貓貓叮叮, 同貓貓藍藍!!

640愛的鼓勵 0訂閱站台

27/2-2511

3B gathering今次選擇地點 - My home~~ 屋企最近有咩地方去......莫過於濕地公園?? 買左半年票啦~~ 隨時歡迎做導遊...........^^

查實依個地方都唔錯, 食下tea, 行陣.........舒舒服服~~ 特別係3B對依個地方都有好感...個個都超動感, 係咁跳跳跳, 走走走.........好得意呀!!




餐廳隔離有個室內遊戲玩, 估唔到今日咁多人, 要排隊分流.........

望望依個東東好想玩, 可惜只限小朋友........失望~~ 如果細個有依d野玩就好啦~~




今日好開心完成任務, 就係拖住軒軒去排隊入去, 第一次單對單相處......好緊張呀!!  始終唔係佢媽咪, 怕一陣排排下隊佢搵媽咪就麻煩, 好彩佢好乖, 聽到我話未夠鐘入去, 要乖乖排隊架..佢真係好聽話, 比我拖住唔敢走開係度排隊, 入到去又聽話比我幫佢除鞋仔.....

哈!! 直到文文(佢媽咪出現), 我先鬆一口氣, 因為軒軒不停跳跳跳, 走走走, 我一步都唔敢行開, 跟住一齊跑, 始終責任重大........好彩無唔見人地個仔,而且軒軒玩得好開心, 不停笑笑笑........

之後到拖住晴晴走走走, 幫kobe媽同kobe仔換片片........佢地話等我試下湊小朋友...學習下....不過發現原來佢地識蝦我架............哎呀~~ 上次睇貓貓已經比佢地蝦, 估唔到今日湊小朋友又比佢地蝦..........原來我真係幾好蝦架.. 


返到屋企同壽星女fiona慶祝生日..........超開心, 拎個蛋糕出來, 3b眼定定, 一齊唱生日歌, 氣氛好好呀! 超讚!!

望住3B既成長轉變.........感覺時間真係過得好快,而且佢地越來越好玩........軒軒同晴晴有交流, 識手拖手一齊玩玩玩, 令到屋企可以變成小朋友天地,一個窗, 一張紙, 都可以玩手遊戲, 加埋爭chair......好攪笑...........

kobe b雖則仲細, 不過佢既怕羞, 似樹熊既樣子, 真係好可愛........今日真係唔好意思, 估唔到無拎開個control最後佢竟然中左頭獎...下次會小心一點由bb角度去睇有咩危險品, 好彩佢無咩野炸.............

期待下次見面........哈~~ 見面多左, 軒軒同晴晴竟然記得我.........好窩心.......雖則佢地今日蝦我,不過唔緊要啦..........起碼係你地心目中有我嗎........ee

軒軒金句二則~

文文媽: 軒軒, 好快就有二隻貓貓來住架啦!!

軒軒: 貓貓?? 係唔係要入電個隻呀??

軒軒, 你屋企都有養狗bor?? 唔同dee dee要入電既?? 定係你覺得狗唔駛入電, 貓就要.....哈...好攪笑呀~~ 真係比小朋友既天真吸引住.....好可愛呀!

文文媽: 軒軒, 食野要小心一點呀!! 唔好跌落地, 整污衊個地下.........

軒軒: 唔怕, 等陣phoebe antie會拖地架啦...........

估唔到人仔細細既軒軒竟然會知道...一陣我會拖地...........勁呀!!

晴晴今日都好攪笑, 唔知點解永遠都將d垃圾比我?? 軒軒又係咁............好彩kobe仲細唔識炸.....以為人地唔知, 我係垃圾分類站負責員..................

爆笑..............