內心世界~ 我只是一個平凡的女孩子;(愛玩、愛購物、愛扮靚) 喜形於色, 開心會笑, 唔開心會喊, 直接簡單~ 唯一不同係因為得到你的寵愛, 才會令我變成萬千寵愛在一身的小公主!! ^^ **2011兔年快樂呀!!** 新既一年, 我家多了二個新成員.....貓貓叮叮, 同貓貓藍藍!!

640愛的鼓勵 0訂閱站台

21/12-2443

一句說話足以致命............請不要再輕言了!!

事源老公口快快答應朋友, 免費化妝, 好彩唔係新娘化妝, 如果唔係跟足一日, 麻煩幫我call定白車~~ 初初唸住只係夜晚去化媽咪, 奶奶/姊妹妝, 結果.........要朝早stand by, 推到唔做姊妹, 但係推唔甩朝早化妝, 最後訓唔夠3小時凌晨5點幾就要出發...........free job~~

7點去到女家, 開左個3小時任化妝counter, full make up, 貼假眼睫毛, only化眼妝, 加閃粉.......攪掂之後先知道累..........累到連食野既氣力都無, 快快的士去的士走...........返屋企達係張床到唔識郁............

教定鬧鐘, 夜晚去飲, 本來老公不在唔想去飲, 估唔到世界真細小, 化妝師竟然係partner之一既pc, 所以答應出席一齊坐..........但係都幾悶架, 佢就要做野,而我就傻更更一個人食食食, 幸好都有好多MTV睇, 所以都唔算好悶...........^^

另一估唔到就係彩福4/F中式廳, 比想像中靚, 無柱+靚靚既背境, 係我去咁多間酒樓飲最靚既一間呀~~ 食物唔錯, 服務都好好, 起碼一轉身就有人幫你不停加野飲...........感覺同酒店無乜分別, 唔怪得長時間都full book啦~~

如今擺酒樓仲好過擺酒店, 記得想當年搵人佈置場地都花唔少錢, 如今酒樓包哂, 仲要整得咁靚添...........哈..望望另外一張帖, 下一餐又係依間酒樓, 下次去西式廳......期待呀~~

由於晏左去, 好彩敬完酒有時間影番張相先走..............雖則早走, 但係返到屋企都好夜....好累~~ 總算幫老公完左個承諾~~ 免費化妝+親身去飲......做老婆算係咁啦~~ (唔知咁乖, 有無得加家用呢??) ee