內心世界~ 我只是一個平凡的女孩子;(愛玩、愛購物、愛扮靚) 喜形於色, 開心會笑, 唔開心會喊, 直接簡單~ 唯一不同係因為得到你的寵愛, 才會令我變成萬千寵愛在一身的小公主!! ^^ **2011兔年快樂呀!!** 新既一年, 我家多了二個新成員.....貓貓叮叮, 同貓貓藍藍!!

640愛的鼓勵 0訂閱站台

2/2-1755

中午被對面起樓既noise嘈醒, 真係幻想可以炸左佢...一了百了

跟住以為好多時間, 左整右整......攪到約人7點幾都可以遲到...........

帶左少少化妝品同英國同學仔研究研究, 佢竟然買左好多NARS既化妝品, 學完之後唔識用, 唔識用係正常, 因為實色E/S好難控制, 但係學一次化妝, 駛唔駛咁落本買萬幾蚊化妝品呀?? 而且又會咁奇怪? MAKE UP BASE反而無買......唔怪得時時話塊面乾啦?? 見佢間學校都幾厲害, 學個人化妝, 都叫佢買二隻粉自己MIX & MARCH, 碎粉又係咁, 連胭脂都係咁?? 全部野都係一開二....依D真係叫星級化妝呀?? 跟本學個人化妝既人, 又點會識用咁多野呀?? 估同人化妝咩?? 幸好學校無叫我買咁多野......以為殺人都有份呀!!傾下傾下好晏........之後約朋友去打邊爐......老公打電話來問, 究竟你班朋友唔駛返工架?? 咁夜仲食野........咁10點後做6折嗎?? 估個個好似我咁住咁遠咩??又問sun去打牌? 又係唔駛返工架?? 唉...........正常人每日訓5,6小時就夠.........係我訓一個圈先肯起身........

多謝同學仔分享左包暗瘡膏比我, 不過竟然意大利先有得賣?? 即晚用....粒粒好似謝左好多, 而且無咁紅......會連續用幾日睇下點先........唉...為左暗瘡...真係攪到好麻煩~~

最好笑係相約係地鐵, 同學仔第一時間好大聲.....嘩......化妝後既你好靚呀!! 同uk返學無化妝既樣差好遠.......跟住係咁讚我既妝好靚.....攪到人地都好唔好意思, 人靠衣妝嗎?? hee..係自己地方梗係拾番個樣架啦~~